復活節又到喇！ 既然有成四日假期不如喺屋企同小朋友開個party， 做啲復活節小食等佢開心下啦。

份量：3隻雞仔蛋糕+ 4件普通蛋糕仔

材料：

• 低筋麵粉 100克
• 牛油 100克
• 糖 60克
• 雞蛋 3隻
• 檸檬汁 1茶匙
• 朱古力裝飾 適量

步驟：

1. 先將牛油溶化：牛油放入鍋中，隔暖水溶化

2. 先處理雞蛋。雞蛋尖輕輕力敲幾下，敲出一個小孔，從孔中倒出蛋液。

3. 雞蛋殼洗淨備用

4. 雞蛋液加入檸檬汁，拌勻。

5. 蛋液拌入糖及牛油，再篩入麵粉順時針拌至無粉粒。

6. 將麵糊倒入雞蛋殼內，唔需要倒滿，2/3便可以

7. 預熱焗爐180度

8. 用錫紙將雞蛋包好外圍，放入 cupcake 模，可穩定蛋身。

9. 放入焗爐焗25分鐘

10. 拿出蛋糕，除掉蛋殼。用朱古力裝飾，黏上 雞冠、雞咀、翼及腳。再用少許朱古力筆加上眼睛……可以開 party 喇！

小貼士：

– 雞冠雞咀雞腳亦可用紅蘿蔔代替

– 雞蛋溶液不需填滿雞蛋殼 ， 因為焗嘅過程，蛋糕會膨脹而充滿雞蛋殼，就可以做到雞蛋形狀

 

＝＝＝＝＝＝＝＝＝＝＝＝＝＝＝＝＝＝＝＝＝

一個喺服務性行業工作的在職媽媽，平日十分忙碌，工作壓力好大。我有一個十分為食嘅家庭，家庭對我好重要，所以我除咗會用好多時間去陪伴我屋企人之外，我更會用工餘嘅時間去滿足兩個老闆：囡囡及老公嘅為食要求。每一次見到我嘅朋友或者屋企人好享受我煮出嚟嘅作品，都會覺得好開心，家人同朋友嘅讚賞係我煮嘢食嘅推動力！

Facebook Page：Zareen 媽媽•花巧菜•小煮意