【暑假好去處】挪亞方舟~玩足一日機械遊戲,親子競技鬥智鬥力! @HolidayMama

【暑假好去處】挪亞方舟~玩足一日機械遊戲,親子競技鬥智鬥力! @HolidayMama


剛剛星期日我地一家三口一齊返學上堂, (放假喎!! ???  嚇親小姐喇~) 哈哈!

其實…..!!!! 係去左挪亞方舟 玩足全日呀…..有咩咁好玩……可以係到玩足一日呀?

挪亞方舟 係今個暑假成立左「挪亞學堂」(聽個名可能嚇親D小朋友, 心諗,仲咩事又要返學,明明就放緊暑假嘛>.< ) 錯錯錯, 「挪亞學堂」唔單止會令小朋友愛上, 仲令家長投入當中,
一家人一起上學去…..家長們做位超齡學生, 同小朋友一齊學習 (真係活到老學到老呀!)XDDD

介紹一下比大家知有咩堂要上啦!! (唔好再嚇人喇~唔係上堂,係玩呀~~)

「挪亞學堂」今次搞嘅「玩轉機械智激FUN」分別有「親子智趣競技場」同玩機械遊戲兩部分~

首先講講「親子智趣競技場」啦, 因為我覺得最好玩呀 (小貼士 : 當日氣溫有成35-6度,但係競技場到一D都唔熱,仲有微風,而且唔曬喎,聽職員姐姐講….下午太陽就會曬到過黎LA, 所以怕熱怕曬既大家,可以安排朝早一入場就玩左呢Part先) …………………….講番正題啦~~

  1. 輪呔GO! GO! GO!

    七彩繽紛的輪呔, 小姐一見到已經衝左埋去喇~ 將巨型又七彩繽紛輪呔推到終點,唔好以為好易喎, 要有D技術KA,所以大人係呢個時間當然要同小朋友合力一齊嘗試,將任務完成,  一齊歡呼~~YEAH!!

  2. 滑雪飛車

    滑板車全新競技玩法, 簡單的棒棒也可以變身划槳, 小孩變身滑板超人, 小姐牛高馬大明顯初初有點吃力, 但原來其他 小小朋友都唔係容易去到終點喎~~ 依個時候學習 (永不放棄) 就係最好時機啦,家長係旁邊為小朋友打氣, 幾辛苦都好, 用力向前呀~~! 人人望前莫後退!!

    OLYMPUS DIGITAL CAMERA

    OLYMPUS DIGITAL CAMERA

  3. 一擊即中

    一見到個巨型飛鏢, 我同大爺都想玩先(哈哈) !!
    眼要定, 手要定, 專注 ,集中, 唔好分心, 用力拋!! 唔中紅心?? 唔好氣餒, 多練習就會成功 (遊戲中領悟出大道理呀)!

    OLYMPUS DIGITAL CAMERA

  4. 推波助瀾

    小朋友化身大力士推車仔, 運送最多的彩色磚到指定位置, 良好的平衡力不可缺呀!!!

    OLYMPUS DIGITAL CAMERA

  5. 鯨出沒注意

    點先可以令到 小鯨魚暢泳到5米外的終點?全靠你手上的水槍, 考你眼界喇~ 小鯨魚返唔返到家鄉靠你喇~
    (小貼士: 家長們影相時,小心被水槍射到濕身呀,要知道,戰埸上,父母都冇情講呀~~)

之後就有下午室內活動「玩轉機械智激FUN (附送冷氣比大家)~

  1. 動能飛馳天地

    小車手在場外全速踏單車產生動能, 驅動微型賽車在九曲十三彎的賽道上全速前進!!! 唔好以為好容易,開始時,小朋友都覺得點解踏左一陣都未郁既架微型賽車,但只要唔好放棄, 繼續不斷踏, 微型賽車就會立即啟動, 呢個時間, 小朋友就會大叫, 滿足感爆晒燈呀!!

  2. 智能破案小偵探

    使用機械智能儀器, 化身智叻「小偵探」, 辨認兇徒樣貌, 緝拿真兇, 智破一個又一個的神秘謎團!! (小姐話個疑犯好似爸爸喎……..請問爸爸犯左咩罪呀? 唔…..上次偷食左我支甜筒囉!!!)笑爆咀

  3. 機械當入樽

    夢想做個出色的籃球員???? 唔一定要在籃球場上!! 有左機械小發明,小朋友也可「入樽」搶分!瞄準目標,發射!!!!

    OLYMPUS DIGITAL CAMERA

  4. 機智尋寶大發現

    炎炎夏日, 想在熱辣辣的沙池內尋寶, 當然要借助機械的智慧, 迅速將寶物一網打盡!!

  5. 升級環保車工作坊

    呢個活動位於場外既太陽館, 利用膠樽製作小手工,發揮創意, 造一架屬於自己獨一無二 的環保小戰車!!

    POST7

大家睇下介紹短片, 感受下 「挪亞學堂」既威力, 點解可以令小朋友咁專心,咁投入, 而且咁享受呢次活動!

學習最緊要夠生動, 令小朋友提起興趣去學習, 記憶先會最深刻的~~~ 將呢一種學習模式搬到日常生活, 小朋友會更易掌握到學習重點.. 做位主動學習的小寶寶!!

號外:  玩左成日都好肚餓又累…… 如果返番出市區先食飯, 小朋友未必忍到! 所以可以考慮一下到 挪亞方舟酒店餐廳豐盛閣 自助晚餐. 一邊食, 一邊欣賞青馬大橋及汀九橋的優美景致, 食物方面有好多選擇:  冷盤、熱葷、刺身、壽司、甜品任你揀;咖啡奶茶、 汽水任飲,  仲有小朋友專區呀,真係唔錯呀~~

POST8

POST6

活動資料 :

日期:2017年7月21日至 8月27日(逢星期五、六及日)
時間:上午10時至下午6時
地點:香港新界馬灣珀欣路33號
查詢電話:3411 8888
網站:詳情請參閱 http://www.noahsark.com.hk
入場費:凡進入挪亞方舟人士需繳付入場費,成人HK$168;小童及長者HK$138。11歲或以下之兒童,進場後可免費參加以上活動。
**留意:部份遊戲項目的開放時間有特別安排,詳情請參閱網址**

=====================

80後在職媽媽,返工、放工、煮飯、湊女|雖然好忙,但仲係擁有人顆熱烘烘 の 港女的心
|食、買、玩、係我既生活動力~|你估….工作與家庭之間平衡得好, 一D都唔容易Ka>.<|一齊分享工作、家庭、生活瑣碎趣事,在忙碌之中輕鬆一下~

Facebook page: 在職mama好地坊