【週末好去處】一家大細睇住日落BBQ,流浮山鴨仔坑士多‌!@HolidayMama

【週末好去處】一家大細睇住日落BBQ,流浮山鴨仔坑士多‌!@HolidayMama


喺4月4 日兒童節,我地一家同埋朋友們去咗元朗流浮山嘅鴨仔坑士多玩一日~講到嗰度嘅環境,真係超好呀!

士多老闆花左幾年時間裝修:外國小木屋、綠悠悠草地、藍天配白雲,再加上兩位小朋友真摰笑容同埋我地當日影嘅所有相都好靚啊~我地都超級滿意!

我地仲Join咗鴨仔坑士多嘅爐煓燒,實行4個大人、2位小朋友一齊燒!但係因為個爐比較細,其實任燒三個小時都係唔多夠時間架…… 不過喺嗰晚鴨仔坑士多負責人就Whatsapp我地,睇下我地滿唔滿意當日嘅BBQ (好意外負責人會咁用心去逐個收集客人意見)。佢地解釋返中途其實可以加炭架(可能當日員工比較忙冇提及),加咗炭的話火力會大好多,相對會燒得快啲~我地亦都希望負責人會改善,愈做愈好啦!

螢幕快照 2017-06-06 下午33 螢幕快照 2017-06-06 下午31

下次我地一定會再去試下,因為佢地嘅食物真係唔錯,最令我難忘嘅係海鮮拼盤中嘅帶子,好大粒而且又夠鮮甜,燒大蝦嘅蝦肉亦夠晒爽口!

螢幕快照 2017-06-06 下午32

大人不停努力燒,小朋友就盡情玩~到底鴨仔坑士多‌有咩玩呢?其實好簡單,對小朋友嚟講,有一片大草地任佢地跑、有吹泡泡玩(士多有售亦可以自備),咁就已經可以玩到哈哈大笑兼出晒汗喇!

IMG_64581

IMG_64421

** 如果唔想BBQ嘅朋友仔嚟到,可以喺鴨仔坑士多食其他熟食,佢地亦都有提供公仔麵、多士等等架~

我地由下午2:30燒烤到5:30左右就出發去下白泥睇日落了~你地估下由鴨仔坑士多行去下白泥要幾耐…?只係1分鐘咋!由士多正門轉右就已經係行入下白泥嘅路段,一直行,好快就會見到傳說中睇日落好靚嘅下白泥喇!

IMG_66141

IMG_66241

雖然當日嘅日落一般般,因為雲量比較多,但係大自然帶來嘅美麗都夠哂吸引你嘅眼球啦~一望無際嘅泥灘、一支支排列整齊嘅小植物,絕對會令你覺得入嚟呢個香港最端位置睇日落係值得架!不過好可惜… 我地嚟到見到地上有好多垃圾,其實去到每一個地方都應該要有公德心,自己垃圾、自己帶走!要好好保護香港僅有嘅美麗生態環境,大家試想像下,再過十多廿年,你地一家三代同堂 嚟到下白泥,只可以聞著臭味、腳下踏住垃圾、望著日落…大家會享受嗎?

IMG_65191

**小貼士:天氣開始愈來愈熱,如果想BBQ可以睇完日落後再燒,晚上會涼好多啊^^~

相關資料

地點:元朗下白泥稔灣路283A
開放時間:星期一至日
交通:元朗泰豐街乘搭33號小巴,叫司機在鴨仔坑落車,直接到達士多門口(亦有車位泊車,當日我地join爐煓燒,所以有免費泊車優惠)
爐端燒收費:(資料更新至4月4日)成人$220/位,小童11歲以下$170/位,3歲以下免費係3小時任食,包一個海鮮頭盤及每人一個飲品
Facebook 專頁:https://goo.gl/eEQQyj

=====================

mama propic

80後在職媽媽,返工、放工、煮飯、湊女|雖然好忙,但仲係擁有人顆熱烘烘 の 港女的心|食、買、玩、係我既生活動力~|你估….工作與家庭之間平衡得好, 一D都唔容易Ka>.<|一齊分享工作、家庭、生活瑣碎趣事,在忙碌之中輕鬆一下~

Facebook page: 在職mama好地坊