【自製教材分享】Trouble Two 必備!DIY 行為獎勵表

【自製教材分享】Trouble Two 必備!DIY 行為獎勵表


唯b開始明白事理,知自己應該要做同唔應該做嘅事。不過喺Trouble Two呢個階段,佢好多時都會選擇性失憶。為咗令佢保持住好習慣,自製咗個行為獎勵表畀佢~

表上嘅Tasks(任務)都係我想唯b做到嘅,好簡單但有助提升佢嘅自理能力、責任感及社交能力。小朋友邊一日「完成任務」,就貼個喺果日,集齊一定數量嘅就送上獎勵。只要剪晒啲格仔同smiley face出嚟,背後貼上魔術貼或blue tack,就可以重複貼上並撕下重用(將個表過膠後用更好)。用磁石貼喺白板/雪櫃或者釘喺水松木板,總之係小朋友經常睇到嘅地方就好。

題外話:有關獎勵
喺小朋友眼中,第一次認識「獎勵」時,可由父母定義;唔一定係朱古力、汽水,或者名貴禮物先叫獎勵。為咗想唯b培養好習慣同健康啲,佢自細所認識嘅獎勵,都係佢最愛嘅水果或者yogurt、果汁,好間唔中會係佢心愛嘅玩具車。其實同用汽水做獎勵嘅原意係一樣,只係將冇益嘅飲品換作健康嘅食物;佢只要做到某樣嘢就會有佢鍾意嘅水果食,久而久之佢就會覺得原來食水果唔係「媽咪要我食」,而係一件好事!

素材包:https://goo.gl/om7xha

======================

kelly唯媽,以文字為生的在職媽媽。自從唯B以BLW的方式加固後,我才發現煮BB餐比煮盛宴更難,但見他享受食物的樣子,那份滿足感使我不斷學習下廚,希望繼續與大家分享幼兒食譜。

FB Page:唯玩.唯樂.唯在學