【潮爆童裝網店推薦!】化身型仔型女!港媽極推網店名單

【潮爆童裝網店推薦!】化身型仔型女!港媽極推網店名單


好多人都有pm媽媽,問波平時d衫係邊買,所以就整理左少少資料等大家參考下

如果平時方便既話,uniqlo,Patagonia,H&M同Zara都係媽媽常買既牌子,不過波波開始大個,媽媽覺得H&M同Zara d大個仔衫都無甘靚,所以要搵下其他地方

@longma_kidswear

首先介紹一間本地既ig shop,都係一個媽媽經營既,佢成日都會入d有型又有牌子既靚野

波波呢對New Balance波鞋又型又舒服又易著,仲好易襯

仲有對carhartt襪仔都係係呢度買

仲有夏天必備防uv既NorthFace太陽帽,山系bb必備,佢仲有大人款,可以一人一頂


@caco_tw

另外介紹下呢間台灣既鋪頭,叫CACO,佢有好多Disney系列既衫同配件,超得意,價錢都算中等,買黎著去Disney就最正

除左男仔,女仔都有公主系列,仲有Chip n Dale,都超級cute

重點係佢有親子裝,無論男女都有,一家都可以一齊著,大家小心買到要斬手指


話說波波好細個個時媽媽已經有淘寶衫褲鞋襪俾佢,初頭細細b大得太快,又唔想浪費,所以就會淘寶,如果會淘寶俾細b就可以參考下

咔咔熊貓嬰童店

佢有好多好得意既衫,仲有d細size既型仔褲同衫,細b都可以打扮,重點係平


小小熊嬰兒鞋店

另一間又係介紹俾細b,啱未識行又想著鞋有造型既小bb,因為未識行,所以著呢d鞋都無乜所謂,但如果學行同識行又唔係好建議喇

媽媽個時一次過買左好幾對鞋,大家又要小心斬手指


綠水靈襪業

依家夏天,成日可以露小腿,係時候入返d襪仔喇

呢間襪仔款又多又colourful,夏天著一流,超開心!


小杰Baby家

其實平時d褲仔會比較普通,難買到型仔d既款

所以介紹呢間平靚正既淘寶店俾大家,唔同budget既媽媽都可以考慮下


辰辰媽的男童店

呢間又係一間比較容易買到靚衫既淘寶店,d衫同褲同配件都好齊,model又好靚仔,有d斯文既look都可以係度搵到,不過價位會稍稍高dd,佢仲有女童店架


HTT小店

其實要型仔既話,一頂帽加唔少分,可以買d平既帽襯下衫都係必須的


麻團家童品

唔知大家有無試過成日係fb個d見到d小店d衫好靚,但無買過又唔知好唔好

呢間係我睇到之後上淘寶搵到買返一模一樣,但價錢當然平少少


樂晨家BABY KIDS

講開fb小店,介紹幾間韓式d既淘寶店俾大家

波波有d衫都係女童款,所以都有d女童店同大家分享,都係又平又靚


貝比時裝

呢間算係近排買得最多既一間,價錢會高少少,但都唔會過百一件,大家又要小心d手指喇


rou肉媽家原創童裝

最後分享呢間,係韓風得黎又比上一間平少少,都係近排買得多既鋪頭,有d款兩間都會有,有d就無,可以放曬入購物車,然後再比較下價錢先check out

分享完畢,大家小心手指,歡迎大家有正野都可以黎毒下我地,又或者見到我地平時著左乜你地鍾意都可以pm我地查詢 ☺

==================

波波👦🏻同媽媽👩🏻
分享平時困係屋企🏠同去街街🥳有乜好玩🤪
希望個仔可以邊玩🎡邊學習📚
最主要都係想同波⚽d粉絲分享佢嘅生活點滴
謝謝大家厚愛❤️

Instagram:theocanplay