【HolidayMama】超抵價深圳套票!2日1夜親子遊 探索野生動物x未來科技!

【HolidayMama】超抵價深圳套票!2日1夜親子遊 探索野生動物x未來科技!


話咁快2019年就去到尾聲啦!想同小朋友短短地嚟個小旅行?搭高鐵去深圳玩吓都唔錯㗎~今次介紹一個2日1夜行程比大家!有得近距接觸野生動物同感受未來新科技!得閒想抖一抖,輕輕鬆鬆就出發!

DAY1

出發
由香港西九龍站搭高鐵去福田站14分鐘就到達!仲快過平時喺香港出去玩啊~一早出發,搭10:20嗰班車,10:34就到達福田啦!想搭其他班次仲有好多時間俾大家選擇!

高鐵行車時間表

建議大家可以選擇3號龍崗綫或4號龍華綫沿線嘅酒店,一嚟比較接近市中心,二嚟交通又比較方便,重點由高鐡福田站出發,就算拎住行李都可以輕鬆到步~到咗酒店放低行李之後,可以先去食個午餐!

深業上城

第一站可以嚟到深業上城食個午餐先~深業上城入面有多個餐廳,相信總有一間啱晒大人同小朋友胃口~

大家不妨試下呢間食新加坡菜既餐廳:星怡會
呢間餐廳入圍「2019大眾點評必吃榜」,斯里蘭卡國寶蟹同古法肉骨茶更係必食!

星怡會
商場內位置:T3090
營業時間:
10:00am – 10:00pm
人均價錢:
RMB 112/人

食飽飽可以喺商場行吓先,事關深業上城最出名嘅就係:周圍都係打卡熱點!各位媽媽千祈唔好錯過商場上蓋嘅歐陸風情小鎮!隨處可見嘅彩色牆,一定要著得靚靚同小朋友一齊影吓相!

(Photo:東海的魚兒)

商場有一條空中天橋連接蓮花山公園同埋筆架山公園。同小朋友行吓公園,享受一個悠閒下午都唔錯~

(Photo:丸子的麻麻)
(Photo:迷迷糊L)

深業上城
地址:深圳市福田區皇崗路5001號深業上城
營業時間:
10am-10pm
前往方法:
地鐵3號綫蓮花村站,步行約15分鐘
官方網站:
http://www.upperhills.com/

Skyland未來科技館

第二站嚟到Skyland未來科技館!其實就係位於商場隔離嘅交易中心CEEC 7樓,超級近啊!

依家咁流行STEM體驗,喺呢度小朋友可以參加多個DIY工作坊,例如喺木工工作坊親手製作木頭小物,運用飲管去製作立體模型等等⋯⋯俾小朋友接觸唔同媒體同物件,發揮創意同天才,透過實踐同科學實驗去探索科學嘅趣味!

仲有機械人大賽,記得要先預約啊~

喺展館入面仲特設幾個區域,運用聲光電特效技術同互動式投影製造咗個太空科幻場景!小朋友可以邊玩邊互動!媽媽記得影多幾張相,影出嚟效果超靚,直頭好似去咗Team Lab咁啊!

Skyland未來科技館
地址:深圳市福田區筍崗西路4001號深業上城CEEC 7樓
開放時間:
週二至週五 11:00 – 20:00;週末及節假日 10:00 – 21:00;逢週一閉館
票價:
成人價 RMB188, 親子價 RMB228, 家庭價 RMB268

深圳書城中心城

同小朋友又玩又行咗一日,啲電都放到七七八八⋯⋯想嚟個靜態啲又有得坐吓嘅活動?第三站可以同小朋友一齊去深圳書城中心城,呢度係全世界最大嘅書城,面積有成8.2萬平方米㗎!仲可以喺書城入面嘅咖啡廳,坐低抖抖,邊睇書邊飲杯嘢~

(Photo:11o)

全部書都好有系統咁分類放好,仲設有一層兒童專區!媽媽想買啲平價兒童故事書,就一定要去睇吓啦~帶埋小朋友一齊去揀啦!

(Photo:感思天賜糧食達人)

呢間書城仲係書店加商場二合一,同小朋友買完書,可以直接喺商場搵間餐廳食晚餐!

深圳書城中心城
地址:深圳市福田區福中一路
前往方法:
地鐵3號綫及4號綫少年宮站 D 出口
開放時間:
09:30 – 22:00
查詢電話:
86-755-8289 3888
官方網站:
www.szbookmall.com

食飽飽加上Shopping完,超滿足!即刻返酒店休息,聽日超精彩行程等住你!

Day2
大約九點起身!食個早餐先~食飽就可以出發gogogo~

深圳野生動物園

深圳野生動物園入面有300多個來自世界各地動物品種!而且有唔少中國一、二級保護動物,例如:大熊貓、東北虎⋯⋯

小朋友可以親自見見真實嘅動物之餘,動物園仲提供好多同動物互動嘅機會!

嚟到深圳野生動物園一定要體驗餵食動物!喺猛獸谷,大家可以坐車入到去野生動物嘅生活環境,近距餵食老虎、獅子等等動物,好刺激啊!

動物園仲有好多動物表演。例如由養飼員帶領鳥類表演,大家仲可以同鸚鵡合照添~

另外仲有人氣極高嘅馬戲團表演!

喺海洋天地,大人同小朋友可以摸摸海獅同海豚,當然唔少得觀賞表演啦!各位媽媽如果對以上表演感興趣記得先去官網睇定表演時間,咁就唔會錯過啦!

動物園入面都有餐廳可以選擇~但都建議大家可以帶啲小乾糧!記得帶水啊~

深圳野生動物園
地址:中國廣東省深圳市南山區西麗路465號
前往方法:
地鐵7號綫總站「西麗湖」下車B出口
日場入園時間:
9:30-17:00 夜場入園時間:18:30-20:00
日場開放時間:
9:30-21:00 夜場開放時間:18:30-21:00
票價:成人票 RMB240; 小童票 RMB140
官方網站:
http://www.szzoo.net/

香蜜公園

如果行完動物園都仲未夠喉,推薦大家可以去埋香蜜公園!呢個公園真係超大,佔地面積42.41萬平方米!除左有園林景色比大家放鬆心情。入面都有好多特色地方!

( Photo:是小箱子不是小仙子)

喺公園入面有個圖書館!可以感受一下喺一片綠油油嘅環境下閱讀,絕對係別有一番風味~

公園入面都設有兒童遊樂場。基本嘅滑梯、攀爬遊戲……全部都有!

大家可以行吓公園入面嘅空中廊橋!可以俯瞰整片荔枝林之餘,入夜之後仲會化身成彩虹橋,超夢幻啊~

香蜜公園
地址:
中國廣東省深圳市福田區農園路30號
前往方法:地鐵7號綫農林站C出口出站,沿紅荔西路直行300米至與農園路交叉口,左轉沿農園路直行200米左右便到達香蜜公園。
開放時間:全日開放

過咗咁充實嘅兩日,大人小朋友都應該攰啦~快樂嘅時間真係過得特別快,差唔多要回程啦!

回程
回程都可以喺福田站搭返高鐵,又係用14分鐘,搭17:22個班車,17:36就返到香港西九龍站啦!

以上行程唔少都要買車票、門票,媽媽可能會擔心好麻煩!最近有幾間指定旅行社都推出咗即日來回或2日1夜嘅深圳套票,包晒來回福田嘅高鐵車票加景點門票又或者酒店住宿,最低每位成人$168起咋!最啱想即興帶小朋友放下電,打下卡,又唔想麻煩嘅各位媽媽啦~
詳情:http://bit.ly/2KurID9

行程咁豐富,快啲Bookmark定,等下次心郁郁想帶小朋友去放鬆吓,就可以即刻出發!