【HolidayMama】平日放電之選 魚仔滑梯、人工湖!超大免費兒童樂土

【HolidayMama】平日放電之選 魚仔滑梯、人工湖!超大免費兒童樂土


今日嚟到新界西區嘅一個小朋友樂土「天水圍公園」,公園超大。兒童遊樂區有2大個,一個近輕鐵銀座站,另一個近輕鐵天瑞站。

首先我哋先嚟到近銀座站嘅兒童遊樂區,呢到分成好幾個園區。

有幼兒鞦韆、小迷宮、滑梯、攀爬架。

^ 小迷宮,所有圍板都係小遊戲同埋適合幼兒學習嘅

^ 幼兒鞦韆

^ 小童版攀爬架,呢個高度剛好適合和牛B玩~

此遊戲組有2條滑梯~

再嚟到旁邊劃分多個嘅小園區,每個區都有唔同設施,適合幼兒同兒童玩。

唔少鍛練身手,平衡力嘅遊戲

^ 平衡木配上搖擺功能嘅

^ 平衡木遊戲

^ 適合幼兒嘅遊戲小區

^ 屋形嘅小攀爬牆

^ 幼兒玩樂區

^ 發現兒時嘅 BB版「馬騮架」

亦有模仿駕火車嘅遊戲板~

^ 遊戲板設計,讓小朋友可以更投入扮演車長嘅角色~

^ 搖搖馬

^ 一組較小型嘅玩樂設施

而此區有較高身嘅滑梯,攀爬式樓梯,可鍛練身手同膽量。

^ 旋轉嘅滑梯

^ 另一邊嘅滑梯組

^ 超考身手同膽量嘅,攀爬式樓梯 (都幾高的,家長要陪同小兒玩樂哦)

遊戲組配上唔同顏色,影相都好靚呀~

玩完所有區,我哋就前往近輕鐵天瑞站嘅遊戲區,沿途會見到大噴水池。

廣場空間超闊落~

另外仲會經過人工湖,人工湖內設有遙控船區,可以帶遙控船去玩。

終於見到個公園啦,呢邊兒童遊樂場園區超級大,入面分有3組兒童遊樂設施。

大到唔知由邊到開始玩起,當中有一大組玩樂設施,由多條天橋斜板通往各個小遊戲區。

^ 公園另一邊嘅設施

最特別一定係呢條橙色魚仔滑梯。

我形容為,要先喺魚尾踩住魚骨,再俾條魚嘔返出嚟。

仲有三段式滑梯

另外,較適合幼兒嘅兒童遊樂設施。
設計好似一架船仔咁,有滑梯,繩網。

另一適合3歲以上嘅小童遊玩嘅遊戲組,由上至下都有得玩。

呢到公園真係超大,小朋友都玩到唔捨得走呀!

活動資訊
天水圍公園】
地址: 元朗天水圍天瑞路六號

前往方法
輕鐵銀座站
輕鐵天瑞站

==================================

新手媽媽努力地學習中,分享我的親子育兒點滴、餵哺母乳貼士、親子活動好去處。

Facebook:和牛b的成長日記