【HolidayMama】超過癮飛機主題餐廳!以假亂真!偽旅行搭飛機食飛機餐!

【HolidayMama】超過癮飛機主題餐廳!以假亂真!偽旅行搭飛機食飛機餐!


呢段時間,全世界都停止咗搭飛機去旅行…

除咗去酒店Staycation之外,仲有咩方法可以尋求旅行感?…

最近,我哋就帶咗和牛B去九龍一間餐廳食嘢。

呢到好似去咗機場,離境上飛機,食飛機餐咁~~

和牛B一去到超級開心呀!! 

因為,真係好似上咗飛機,準備去旅行咁呀!!

除咗飛機位之外,餐廳仲有其他座位。

空姐嘅送餐車呀~~

見到呢個牆貼,更加好想去旅行…

店內同飛機有關嘅精品擺設

我哋係平日下午茶時間去,餐廳幾乎冇人,包機 (哈)。

大家出發之前,記得預早打電話訂枱~

因為飛機位只有兩台,而且飛機位有最低消費,四人座位必須叫四個餐。

不過,店員見到妹妹咁細個,佢就俾我哋叫少一份餐。

不過,餐廳並非親子餐廳。所以餐廳內沒有兒童餐具、BB櫈。

如果小朋友比較細的話,可能會坐得比較唔舒服哦。

餐牌

食物質素整體唔錯呀~^^

同真正嘅飛機餐相比,呢到嘅食物好食好多~

豐富過真飛機餐好多添呀~

燒盲曹魚柳意粉
日式照燒豬肩配薯條

我哋落機啦~~到咗…九龍大角咀 (哈)

前往方法:

港鐵奧運站 B 出口, 步行約4分鐘

溫韾提示:如果駕車的話,比較唔方便。或者要泊去就近商場,因為餐廳外冇錶位。

另外,疫情期間,記得注意個人衛生習慣哦。

【The Galley by Cafe Proud Wings】

地址: 九龍大角咀嘉善街39號地舖

電話: 3590 3787

==========================

新手媽媽努力地學習中,分享我的親子育兒點滴、餵哺母乳貼士、親子活動好去處。

Facebook:和牛b的成長日記