【HolidayMama】包羅萬有!去戶外郁動吓啦!打卡位xBBQx手搖船x彈床x餵羊

【HolidayMama】包羅萬有!去戶外郁動吓啦!打卡位xBBQx手搖船x彈床x餵羊


趁住假期,又好天氣就約埋朋友一齊去戶外玩。我哋今次去咗元朗流浮山嘅《繽紛世界親子農莊》遊玩,呢到嘅走動空間都算大。除咗有得玩,仲有影相打卡位,亦有BBQ區。

第一次到訪《繽紛世界親子農莊》,官網上有好多活動,可能因為疫情關係。所以現時都冇咗,例如: 工作坊、攤位遊戲。

和牛B一嚟到,已經好開心!因為見到有好多靚嘅影相位,仲有得玩手搖船,特式韆鞦等。
公園放電區,仲有大彈床

旋轉單車,同時可供6位小朋友一齊玩~

以前公園特有嘅氹氹,不過而家已經買少見少了。

特式韆鞦

挖掘機遊戲,可以扢波波同埋挖泥~

扭扭車及單車場,有兩款車款可以選擇。

電動車

每次可以一人或二人乘座,110cm身高才可以進入遊玩。

手搖船,每次大概有4-5艘小船同時遊玩。

同一艘小船,最多可以坐2位小朋友。

充氣彈床,超放電呀!

仲可以買糧草餵羊仔~($10/草)

影相打卡位,心心隧道~

巨型園藝三角琴~

園藝風車

女神打卡位

感想: 最初我嚟到有少少失望,因為我期望好高。但係和牛B同埋佢嘅朋友們都玩得超開心,因為人唔多關係,佢哋每樣遊戲都無限玩咗好多次。跑來跑去,超放電,同埋唔經唔覺佢哋玩左3-4小時,都唔捨得走,離開之後仲話好想再嚟! 所以,我都決定同大家分享呢個地方。
其實諗返,要判斷一個地方好唔好玩。呢個權應該係由小朋友定,唔係大人定嘅。佢開心,我做父母嘅就開心了。

**溫韾提示**
戶外活動關係,建議預先搽防曬、準備好帽、防蚊用品。以及帶定水及乾糧。同埋記得戴好口罩、勤用消毒搓手液。
*因為場地可到BBQ區買飲品,但係小食就冇得出售 (例如: 魚蛋、燒賣)

活動資訊
繽紛世界親子農莊
地址:流浮山深灣路 [深灣畔旁]
電話:5402 9197(鄧小姐)
網站:http://www.yl.hk/cgw
收費:
入場費: $30/位全日玩樂套票:星期一至五: 全日樂園套票 $ 140/位星期六、日及公眾假期: 全日樂園套票 $ 180/位套票可免入場費 (每張套票以一位計算)
購買遊戲套票,可以任玩以下項目;碰碰車、扭扭車、挖掘機、碰碰球、充氣彈床、蹦跳彈床、波波池、草地滾輪、滑梯、三輪車、親子船
前往方法:
– 天水圍-西鐵站 (B出口-落巴士站) →轉乘 K65 免費接駁巴士 (八達通-西鐵乘客 免費轉乘) →流浮山總站落車 – 元朗市(大馬路) 乘 K65 港鐵接駁巴士 →流浮山總站落車
駕車去的話,農莊設有免費停車場

==================================

新手媽媽努力地學習中,分享我的親子育兒點滴、餵哺母乳貼士、親子活動好去處。

Facebook:和牛b的成長日記