【HolidayMama】招募小小公民科學家!收集螞蟻樣本!成為香港研究重要一員

【HolidayMama】招募小小公民科學家!收集螞蟻樣本!成為香港研究重要一員


平時你有無試過同小朋友留意體形細小嘅螞蟻呢?唔好睇佢哋細細隻,其實佢哋係自然生態系統入面好重要嘅一員!想更加了解佢哋?機會嚟啦!俾小朋友同大朋友一個機會,化身公民科學家,喺香港各地收集螞蟻樣本,為香港科學盡一分力!既簡單又有趣,同小朋友一齊上一科特別嘅自然科學堂啦~

香港大學生態學嘅學生正舉行《螞蟻小哨兵 sANTinel》活動,招募市民成為公民科學家,一齊研究螞蟻呢個可愛嘅小動物!

佢哋想透過收集香港各地嘅小螞蟻,研究外來螞蟻物種在港嘅分佈同影響。

參加嘅方法其實好簡單!香港生物多樣性博物館定期會開放派發採樣包(需要預約名額,詳情可以留意官方IG公佈),只要領取一個就會有齊採樣所需嘅用具!

然後掃瞄採樣包入面嘅QR code,跟住示範影片進行採集,再填寫採樣記錄,再將樣本交返俾佢哋就大功告成啦!

成個採樣過程只需要大概半個鐘,步驟都非常簡單,只需要爸爸媽媽從旁協助就可以完成。途中小朋友仲可以近距觀察螞蟻嘅行為同互動,不單只可以訓練佢哋嘅好奇心,更加會令佢哋對自然科學產生興趣!

提提大家,螞蟻樣本係唔可以喺郊野公園收集㗎!大家記得要去郊野公園以外合法地點進行啦~

活動詳情
螞蟻小哨兵 sANTinel
Instagram專頁
Facebook專頁

領取採樣包
日期:星期六(以官方發布時間為準)
時間:上午11時至下午5時
地點:生物多樣性博物館
*要預先預約

🌟最新領取時間🌟
日期:11月27日(六)
時間:下午1時半至5時
地點:生物多樣性博物館
預約按此
⚠️ 每位科學家最多限領2個。
⚠️ 領取採樣包後請即先掃二維碼,觀看示範影片及仔細閱讀注意事項。
⚠️ 遞交表單後若沒有收到「名額已滿」的電郵,則表示已成功報名。
⚠️ 若Google表單已關閉並不接受回覆,則表示該輪名額已滿。

提交樣本
日期:每個星期三及星期六
時間:上午11時至下午4時
地點:生物多樣性博物館
*只需把樣本放進箱子內,再透過專頁或電郵通知螞蟻小哨兵即可。