【眼睛想旅行!】喺屋企都可以去「旅行」!睇勻博物館、迪士尼、國家公園!

【眼睛想旅行!】喺屋企都可以去「旅行」!睇勻博物館、迪士尼、國家公園!


因為疫情,好多人嘅旅行計畫都要取消⋯小朋友日日喺屋企,都真係幾悶!所以小編就搜羅咗幾個可以喺屋企都可以參觀到嘅博物館同旅遊點!用睇嘅方式,幫大家過住癮先啦~

1. 東京迪士尼樂園

小朋友嘅最愛迪士尼樂園因為疫情影響,全部都關閉咗⋯不過唔緊要!日本迪士尼最近上載咗一系列影片,包括巡遊表演、歌舞表演、園區參觀等等!小朋友睇完都好似親臨其境一樣啊~官方表示影片會留到4月30日,想睇嘅小朋友,要快快去睇啦!

觀看按此

另外仲有米奇同一眾朋友帶小朋友一齊跳舞,一齊動動手腳啦!
觀看按此

2. 國家公園

為咗迎接National Park Week,Google Earth由4月20日開始就可以網上虛擬遊覽31個美國國家公園!比著平時都好難去參觀晒,快啲同小朋友一齊欣賞自然啦~

觀賞按此
(Google Earth仲有好多其他專題㗎!喺屋企悶悶哋不妨發掘一下啦~)

3. 中國故宮

喺屋企都可以遊故宮!故宮咁大,咁樣就可以慳到好多腳力啦~

觀賞按此

3. 梵蒂岡博物館

感受下藝術氣息!360度遊博物館,7個虛擬展館任你睇!

按此遊覽

4. 香港海事博物館

香港嘅博物館都關晒館啦⋯好彩香港海事博物館同Google合作,上網都可以免費睇到展覽啦!小朋友可以透過展覽更了解香港嘅發展,喺香港長大又點可以唔知啊?

詳情按此

5. 大英博物館

唔使去英國都可以睇到大英博物館展品!仲根據時間同地點整咗一個時間軸添~咁就可以更具體咁樣睇到藝術品嘅發展同轉變啦~

詳情按此

停課不停學!一齊了解呢個世界啦!