【#紐西蘭移民資訊站 🇳🇿#1】太空人家庭生活係點?偽單親生活


曾經喺紐西蘭生活過,亦做過幼教嘅陳媽媽,當初為咗更好嘅生活環境🤧,而選擇移民到紐西蘭,但從來無諗過會變成太空人嘅家庭👨‍👩‍👦…甚至成為咗偽單親生活。幸好,BB仲細未知喺咩一回事👶🏻,相信暫時對佢嘅影響都未係好大🙌🏻…但喺紐西蘭嘅太空人家庭係點嘅呢🤔?長期分開生活點維繫感情?BB會掛住爸爸👨🏻‍🦱?大家一齊睇下陳媽媽點講啦👀! #真實經驗分享 #做好準備

問:究竟長期分開生活你地係點維繫感情呢?感情有變淡嗎?

答:主要都係靠視象,msg…每日定時定候都會視象,咁都好坦白講,點都會差啲嫁啦,有時想攬下,挨住陳生都唔得,係有少少難受既…呢啲係咪所謂既神交。

哈哈!
不過感情無點變淡,反而更加愛。呢啲就係所謂既愈要分開,兩人心會變得更堅定既奧妙。

問:面對時差,大家生活係唔同時空 好多野無得第一時間同對方分享,有覺得孤單嗎?

答:初頭唔會既,因為照顧初生bb很忙,但日子愈耐都開始會覺得心情低落,好想對方係身邊,面對時差,好多野唔可以第一時間分享到/得到回覆,慢慢都要接受同理解,知道對方已經用最快速度去覆機,我都係明白事理既人黎既

問:而家主要係得你湊寶寶嗎?自己搞得掂?

答:4大長老同我自己都有幫手,所以好幸福嫁啦!雖然陳生唔係度都會好down ..但最重要既係,心情低落一陣好啦,要快啲抽離呢種感覺,否則會將負面情緒帶埋比身邊既人,你估4大長老又唔辛苦咩?有時我都不能將自己既情緒放得太大,因為知道付出緊心力勞力既不只我一個

問:錯過了小寶寶的出世/成長期,有後悔嗎?

答:陳生都好唔開心,有時世事就係有啲無奈,唔知講咩好,因為移民係一個重大既決定,無忘初衷。只好默默承受,繼續堅持同等待,除非放棄2年幾既努力同付出囉,而且亦要改變哂我地既人生計劃,返香港後又要如何再部署以後既生活,目標同定位又應該點走呢~好多野考慮

問:點解你可以咁理性?

答:我經常都係感情同理智上徘徊,有時理智上明白要咁做,明白要忍耐,但感情上又接受不了..所以都成日自我安慰,自我對話,今日呢篇文都係其中一個自我說服既行為

問:偽單親的生活是怎樣的?

答:偽單親呢個名真係好難聽,而家好多人移民,自己選擇兩夫妻分開,做偽單親同埋太空家庭,佢地選擇前起碼係商量過,知道大約會面對咩生活。
但我地係因為疫情,被迫分離。生活係點,當然十萬個唔情願啦,被迫要面對既事就係痛苦,我都難以想像陳生呢一年幾過緊咩生活。

日日食外賣,日日工作麻醉自己,佢用4字形容現有生活:行屍走肉
我諗,我情況會比佢好,係香港起碼有家人,有朋友,係一個自己熟悉既地方…

問:大家會日日說想念對方嗎?

答:唔會,因為大家講完之後,只會更想念!我地都會逃避左呢個話題,轉移傾下其他開心野,正能量野,日日FF到時紐西蘭既美好生活。我日日同陳生FF到時過到紐西蘭,要應成我買大屋比我住嫁,哈哈哈,之後年年去日本同返香港探親,仲要每年請呀爸呀媽過黎體驗一下紐西蘭慢活人生~諗起都興奮!呢啲正正係我地堅持落去既動力~真係有少少似望梅止渴

問:小寶寶會想念爸爸嗎?

答:陳b只得9個月大,還好啦~會教佢爸爸係邊個,日日都會比佢同爸爸視象下,佢見到爸爸每次都會笑嫁,唔知係因為電話鏡頭有野郁郁下同發聲好笑定係真係知道同緊爸爸講野啦

希望~黑暗過後會是晨曦~~~
迎接日出個刻既感動之前,正正要經過漫長黑暗既等待。
千萬別在這裡迷失,繼續無忘初衷!

===============================