【HolidayMama】過個至「螢」冬日!超多嘢玩!鐳射槍x夜光搖控車x燈藝DIY

【HolidayMama】過個至「螢」冬日!超多嘢玩!鐳射槍x夜光搖控車x燈藝DIY


嚟到聖誕節,難得放假緊係要帶小朋友出去玩啦~今日小編就介紹大家去個好地方,包大家過個不一樣嘅新潮「螢」爆聖誕節先!首先有一連串放電精彩活動:小朋友化身智「螢」神射手,破解迷團;再變身小車手,嚟一場「夜光遙控車大歷險」!另外仲有夢幻夜燈&DIY冷光線霓虹燈工作坊,動又有靜都有!同場仲有其他玩樂設施,例如:「聖誕啤啤熊製作室」、「e-Planet夢想星球」大自然光影互動展館,啱晒打卡~

由12月11日至1月2日期間 (逢星期六、日及公眾假期) ,嚟到馬灣嘅挪亞方舟,就讓大小朋友極速跳上挪亞方舟,挑戰自我潛能,有一系列精彩活動等住大家!充實聖誕節 Here we go!

🔫智「螢」神射手

小朋友變身做神射手!各路小勇士需要潛行連串光影地帶,走過障礙,搵找出線索,解開涉及宇宙、大自然、建築、考古同埋機械等疑團!絕對考驗小朋友眼界、身手同智慧!夠晒刺激!(每節勝出的智「螢」神射手更可獲贈精美獎品乙份~)

🏎️夜光遙控車大歷險

喺漆黑嘅森林秘景入面,駕駛住夜光遙控車,都咪話唔型啊!當然,森林場景有好多曲折斜坡,亦有險要彎位,夠擔就嚟挑戰!

💡夢幻夜燈藝工房 & 創意霓虹燈手作坊

除咗動態活動,靜態活動都可以好「螢」!親子一齊製作獨一無二嘅小夜燈或者霓燈,整完仲可以帶返去裝飾屋企𠻹!

話明大把嘢玩,又點止呢啲呢?

聖誕鹿出沒注意!各位小朋友可以騎上聖誕小鹿、恐龍、犀牛、河馬及小豬等Q版動物造型電動車馳騁,好得意啊!

仲有啱晒打卡嘅「e-Planet夢想星球 全港首個大自然主題光影互動展館」俾大家穿梭森林、海洋、四季同未來城市四個展區!

超豐富活動,包你過個充實聖誕節!

除此之外,挪亞方舟度假酒店更係為咗配合呢次螢光夢幻活動主題,特別打造「宇宙漫遊記」主題房!為原來嘅太空主題房加上星光夜燈投影器,超級夢幻兼有氣氛!各位鍾意宇宙太空嘅小朋友真係唔可以錯過啦~

活動詳情
挪亞方舟「螢幻聖誕大激玩」
日期:2021年12月11日至2022年1月2日(逢星期六及日及公眾假期) 
時間:上午10時至下午6時
地址:香港新界馬灣珀欣路33號 
入場費:凡進入挪亞方舟人士需繳付入場費,成人HK$198,小童及長者(特惠門票) HK$158,活動期間設有買2送1門票優惠。(其中兩位入場人士須購買成人正價門票,即可獲贈乙張成人或特惠門票。)
官方網站