【新手媽媽小知識】Finger Food係乜東東?讓小朋友自己動手食野小秘訣!

【新手媽媽小知識】Finger Food係乜東東?讓小朋友自己動手食野小秘訣!


上次小編就同大家介紹過6個月以上小朋友加固嘅小貼士,仲有一啲自製BB果蓉嘅秘訣,好多媽媽都話實用得嚟仲想知多啲關於加固嘅小知識~而通常食果蓉嘅下一步就係 Finger Food 喇,今次小編就同大家分享下香港有邊啲容易處理嘅 Finger Food 俾阿B試食啦!

Finger Food

Finger Food 顧名思義係手指(手抓)食物,即係指喺加固以後訓練小朋友自己動手進食嘅食物。阿B咁細個,其實距離自己認真拎住餐具食野都仲有一段時間,所以一般都會先俾佢地試下用手仔拎野食先~訓練下手仔肌肉嘛!

小薯條

媽媽們可以先洗乾淨薯仔,然後去皮切成條狀,將薯仔隔水蒸熟(初試 Finger Food 嘅小朋友可以盡量將食物煮腍少少)。蒸熟後嘅薯條可以放入焗爐,每隔幾分鐘反一反啲薯條,避免焗燶。焗約5-10分鐘即可。

蘿蔔

無論係紅蘿蔔或白蘿蔔都可以,將蘿蔔切細塊或者長條狀,容易俾小朋友用手拎起,同時間要花長少少時間將佢蒸軟。

香蕉

香蕉當然比較簡單,唔需要蒸煮。媽媽只需要揀隻較熟嘅香蕉就可以切成細塊俾小朋友食,甜甜地小朋友亦都唔會抗拒~

南瓜

南瓜健康又有益,好多家長喺BB好細個嘅時候已經培養佢食南瓜嘅習慣。只要將佢切成細塊攞去蒸,就可以較易被蒸軟架喇~

青瓜

咁多款食物之中,青瓜嘅口感相對會較硬身,所以媽媽可以將青瓜切開一半,再切成方便小朋友手抓嘅大小,再用刀拍打一下直至小朋友較容易咀嚼。

用餐小工具

另外亦有醫生介紹啲進階版準備 Finger Food 嘅方法,就係準備一個分格數嘅食物盒或碟,每格都放入唔同種類嘅食物,除咗可以訓練BB嘅手部肌肉發展之外,仲可以測試下佢嘅飲食喜好添!

購買連結:https://goo.gl/FzpBUQ

購買連結:https://goo.gl/75FmwE

始終俾BB開始動手自己攞野食,初頭一定會整到周圍都係架喇~媽媽們想盡量執少啲,但同時又俾到空間佢地自己動手食的話,不妨用下呢啲便攜式學習圍兜,咁就唔驚BB整到一衫都係啦!

購買連結:https://goo.gl/AB9o2G