【HolidayMama】紅色冬日一天遊!賞紅葉嘅最佳時機!

【HolidayMama】紅色冬日一天遊!賞紅葉嘅最佳時機!


😅帶住小朋友出去玩,交通其實都係一個幾大嘅問題🤦🏻‍♀️。有時想去啲遠啲嘅景點,搭幾程車先去到佢哋又已經攰晒冇心機玩,所以參加一日遊都係一個唔錯嘅選擇👍🏻

上星期我哋約埋朋友仔去咗參加Go Green Travel 綠色假期嘅
冬日紅葉.草莓園.任食BBQ 1日遊,行程豐富,輕輕鬆鬆、開開心心咁玩左一日!

🚌 我哋9:30喺九龍塘地鐵站出邊上車,之後就向大棠郊野公園進發!旅遊巴開到山上嘅停車埸,再行多大約40分(小朋友的步速)就會到達楓香林睇紅葉,呢段路係好容易行嘅石屎路,就算要推BB車都無問題!沿途風景唔錯,隨處都可以停低影吓相、執下樹葉,慢活一番💓

睇完紅葉就去摘士多啤梨🍓~ 旅遊巴開到去朗屏士多啤梨葡萄園附近,落車行3分鐘就到,真係慳返好多腳骨力!

摘士多啤梨嘅地方仲有得摘蔬菜、餵羊同埋食豆腐花!

Natalie當然把握機會剪左好多士多啤梨啦,$90/磅,都幾香甜!

之後又上返旅遊巴,出發去大尾篤燒烤皇BBQ 🔥 呢程車大約要坐40分鐘,大人細路都可以叉叉電😉

🍴大尾篤燒烤皇係任飲任食嘅BBQ,除咗燒烤食物仲有蒸魚肉燒賣、饅頭等等。燒烤食物嘅味道唔算突出,勝在選擇夠多,而且地方乾淨企理!

幾個小朋友轉眼間就食飽,場內有免費彈床比佢哋繼續放電,亦可以餵羊、睇烏龜、睇鸚鵡等。

快樂嘅時間過得特別快,留係大尾篤燒烤王嘅三個半鐘轉眼就過咗🤷🏻‍♀️

🚌 最後就上返旅遊巴去九龍塘解散,全程舒舒服服~ 帶住小朋友出去玩點對點嘅交通接送真係好重要‼️

活動資訊
冬日紅葉.草莓園.任食BBQ之旅

行程包括:大棠郊野公園觀紅葉、暢遊士多啤梨園、於大尾篤燒烤皇享用約 3.5 小時任燒任食 BBQ
價錢:星期六 $155; 星期日或公眾假期 $165
詳細資料:http://bit.ly/2SFmZ6A

==================

自從做左Nat媽媽之後,忽然發現時間太少但想做的事太多,記性太差但想記下的事太多,的起心肝開始寫低做過的/玩過的/用過的/吃過的/經歷過的~

Facebook:Natmama親子育兒生活誌