【假日好去處】親子和菓子手藝初體驗!超靚粉彩班盡情發揮創意!

【假日好去處】親子和菓子手藝初體驗!超靚粉彩班盡情發揮創意!


近排時不時都聽到有人講和諧粉彩,一路都唔知係乜黎嘅,上星期六就帶Natalie參加左Planet Craft嘅日本和諧粉彩體驗班。

原來和諧粉彩係指用啲乾粉彩畫畫,乾粉彩個質地好硬,要用?刀刮啲顏色出嚟(小朋友就用擦網),然後用手指推開啲顏色粉末,揉揉抹抹咁去畫幅圖畫出嚟。製作出嚟嘅圖畫顏色好柔和,感覺真係好療癒

Rita老師有教我地一啲小技巧,令到我哋第一次用和諧粉彩,已經可以畫出我哋覺得好靚好和諧嘅圖畫。兩個鐘嘅課堂我哋每人畫左三幅畫,好滿意(自我感覺良好)

食個lunch,之後就到和菓子手藝體驗!相比起和諧粉彩,和菓子嘅難度就高好多啦~

Rita老師已經幫大家準備好和菓子嘅豆沙餡同唔同顏色既粉團。整既步驟係首先用幾種唔同顏色既粉團黎做和菓子皮,途中要保持粉團同雙手濕潤,因為粉團乾得好快 會變得好痴手! 然後放豆沙餡並搓成波波,再通過各種工具為和菓子製造效果同裝飾。原來要製造一件靚靚嘅和菓子真係一啲都唔簡單㗎!手藝真係好重要,因為真係靠隻手去搓出嚟㗎,少啲功力都唔得!

活動當日仲有兩個文青同我地一齊上堂,佢哋嘅製成品就明顯靚好多

雖然我哋嘅製成品冇咁靚,不過presentation好重要的,擺得好好睇睇之後,幾件和菓子即時升咗Level

兩個活動都好好玩,要多謝Rita老師咁有心機教我地!

各位大文青/中文青/小文青,如果你哋都想參加啲咁好玩嘅活動,而家經mamaishop報名低至74折!

詳情:http://bit.ly/2FiKsDa

 

 

==================

自從做左Nat媽媽之後,忽然發現時間太少但想做的事太多,記性太差但想記下的事太多,的起心肝開始寫低做過的/玩過的/用過的/吃過的/經歷過的~

Facebook:Natmama親子育兒生活誌