【PregnantMama】第二胎,真正感受爲母則強!

【PregnantMama】第二胎,真正感受爲母則強!


自從有左第二胎之後,覺得原來自己比想像中既自己更堅強。
1a
回想第一胎—陀住楠哥既時候,簡直係天堂,每天都過住幸福大肚媽媽既生活。當你宣怖懷孕既一刻,立即升格做女皇。大家都叫你要多休息,唔好操勞,四大長老經常問你感覺,叫你多休息,要養胎。

當時家中只有我和老公兩口子,老公會負責接送返工放工,放工後一起舒舒服服看電視,有時間就睇下有關懷孕、照顧初生既書籍。

每天幻想同安排各種事⋯

「bb會似爸爸定媽媽呢?」

「改咩名好呀?」

「去邊間影大肚相好呀?」

「影4D相好嗎?」

假日時又會一齊去睇bb用品⋯

「嗯~邊架B車好呢?」

「bb間房點佈置好呢?」

「邊個牌子對bb好呀?」

後期就會諗下⋯

「去上下孕婦yoga先。」

「入院著邊件衫好呢?」

「bb出左世點安排好呢?」

總之,十萬個樣野,通通都填滿我既思想。準備都十分充足,閒來就洗定衫仔,洗好奶樽,準備迎接小生命既來到。呀~差點忘記了,我當時仲諗到bb出世後影既家庭照,我素顏怎辦,還專登去左植眼睫毛呀~~~~~~~

而家湊住個大既又陀住個細既就 (我大仔楠哥只有13m) ……我感覺唔到有人記得我係一個大肚婆。

生理上,第二胎孕吐比第一胎多。雖然楠媽我表面沒甚麼異樣,其實一直不定時吐到6個月。肚子也比第一胎大很多,現在30周,肚圍已超越了上一胎了。還有在25周開始全身上下出濕疹,痕到不能忍受,唯有第一時間打去婦產科醫生求救,結果搽了類固醇既藥膏才能接受到。(但搽類固醇始終唔太好,後來我學人整天然濕疹膏,用係我身上效果都不錯,下次分享。)

由於要夾番照顧楠哥既時間,老公不能再做接送啦。返工時還好,搭小巴有位坐。放工就⋯迫地鐵,好彩有好心人讓座,唔好彩就⋯

放工第一時間衝回家,接長輩更,煮飯比楠哥。幸好楠哥係BLW BB,我一直都不用餵他。但係,佢食飯係會災難性的,要收拾現場,陪玩,沖涼,陪訓,基本已到10:30pm。佢訓了,我就煮飯比自己食。(無錯,我無姐姐既。老公近來又很忙,佢幫到就會幫,佢係好爸爸黎架,返黎會親子伴讀。以上呢個係最壞既情況,一星期發生2次左右。)

1c 1d
▲BLW BB楠哥每天都乖乖自己食飯,幫輕媽媽好多好多。

1e▲親子時間,好像知道有妹妹存在呢~將來要相親相愛哦~

1f▲爸爸工作夜歸,有個記掛著爸爸不願睡的小寶寶。快睡吧,你媽還要沖涼呀~~

大肚婆不是應該多睡覺嘛?到我自己食完飯,沖埋涼,都11點幾12點了。呀~~~剛洗完機衫要晾番好先~第二朝7:30鬧鐘響要返工啦~~

~~

唔好話其他人,我幾乎連自己係大肚婆都忘記了天堂?早就係楠哥出世既第一天已離我很遠。要當媽,長期睡眠質素差是基本。任bb有幾天使都好(楠哥已是一個好湊的睡寶寶),當媽既一定係醒訓,怕bb有乜意外。另有強力既臂彎係必須,如果唔係懷住7個月大肚子,點可以一手抱起接近20磅,而且未真正識行既1歲楠哥(沖完涼總要抱出廳)。

1g▲每朝起床看到自己的小寶寶都倍感安慰,很累但很開心,做媽媽有時真的好矛盾。

所以,第一胎諗既所有事,我完全地沒有時間和精力去想,或者有了之前既經驗吧。不過我肯定,第二胎出世後會更辛苦,但我仍然會無條件咁愛佢地兩個。盡力吧。相信兩個小孩對住你笑,一齊叫聲媽媽既時候,甚麼都係值得既

1h

當媽就是有種能人所不能既能耐吧。

我大概做到了。

==============

Nathanbb楠媽是一位工程師,終極夢想成為全職媽媽。自從仔仔楠哥6個月起BLW方式加固之後,開第一個育兒Facebook Page-楠哥blw日記,同fans分享BLW食譜,育兒心得。黎緊8月妹妹就出世,兩年抱兩。
Facebook:楠哥blw日記