【繪本推薦】更勇敢獨立!鼓勵自己瞓覺

【繪本推薦】更勇敢獨立!鼓勵自己瞓覺


<繪本介紹:《我不要睡覺》> #幫助小朋友學習勇敢獨立

呢度有無唔捨得爸媽/怕黑/怕怪獸而唔敢一個人瞓覺嘅小朋友啊?

我家嘅小孩都正面對分床而睡嘅問題(其實算遲面對了,哈哈),往往都有好多藉口想過嚟爸媽嘅床,即使我們堅持要求他們自行入睡,但半夜還是發現他們會偷偷爬了上嚟🤣😅。小朋友出現呢個情況,可能心理上未處理到分離嘅焦慮。

二哥最近在學校借咗一本叫《 #我不要睡覺》嘅圖書,正正講出他們面對嘅情況,所以唔單止媽媽,他們自己睇都幾有共嗚。

介紹繪本之前,唔知大家對以下問題有冇答案:
(1)幾時(冬天/夏天)比較適合分床?
(2)如果小朋友對此哭啼厲害,應該點處理?
我們慢慢一齊尋找答案吧!

話說故事主角「小王子」同我家小孩差不多大,應該都係幼稚園生。有一天媽媽送比小王子一張新床,因為他長大了,可以一個人瞓。但小王子唔習慣,仲好害怕,佢自己一合埋眼就覺得有啲怪獸嚟搵佢,又或者行雷閃電⋯⋯但當佢打開眼睛,又咩事都無。

又或者佢合埋眼就覺得背脊好凍,早上醒來,原來自己尿床了。小王子好想返到爸媽嘅身邊。但爸爸媽媽卻堅持。

我同小朋友睇書睇到呢度,會問下佢哋(1)會否覺得爸爸媽媽唔愛佢?(2)估下爸爸媽媽咁堅持嘅原因?

佢哋就會七嘴八舌講好多嘢,當小朋友有份參與討論,讀繪本都會讀得開心啲!而且更重要嘅係 #我哋大人有機會聽到佢哋嘅心底話💖👍🏻,藉此更了解佢哋點樣睇分床而睡,#爸媽又可以回應佢哋嘅焦慮

本書會逐步提到爸爸媽媽可以如何安撫小王子,例如呢D只係發夢,亦係一個正常嘅現象;又或者講下其他家人可以點樣鼓勵小王子做一個勇敢獨立嘅小孩,唔需要害怕自己獨自一人瞓覺。

我家仍然努力處理分床嘅問題,不過肯定嘅係恐龍們會知道爸爸媽媽係愛佢哋嘅!

至於我剛剛叫大家思考嘅兩個問題,睇圖就有解答。希望幫到大家!

可惜呢本書已經無得賣了,不過恐龍媽查過香港公共圖書館有,仲頗多地點有得借。
👇🏻👇🏻👇🏻
圖書館索書號:JJ 0006

繪本名稱:《我不要睡覺》
出版社:小樹苗教育出版社有限公司

===================================

關於80後父母與三名「難教兒童」(difficult children) 掙扎求「存」的經歷。( ̄∇ ̄)|||

不容易的共存,但我們會努力!:)

FB:我家恐龍Do Re Mi