【濕疹湯水】清肝排毒 – 雞骨草豬横脷湯

【濕疹湯水】清肝排毒 – 雞骨草豬横脷湯


《雞骨草豬横脷清肝排毒湯》🌺12個月起適用🌺

潮濕春天「陳生」來聚舊,轉眼初夏已到。最近悶熱的天氣已預示,再不把陳生好好送走,今年炎夏絕對能將皮膚烘至皮破血流。於是,麻媽向身邊的湯水智囊 #JoyC姨姨 求救。

🦆 Over Over! 濕疹爆上面。有無排毒湯水推介?急用!
🐼 睇過~~~好,今晚即寫幾款俾你。

當晚收到水蛇春咁長的一系列排毒/去濕/健脾潤膚湯水。

🐼 先飲呢款,健脾胃、清肝火排毒。飲完會輕微肚瀉,💩💩會變黑色。至於黑幾日,就睇你幾毒。
🦆 咁堅。。。😱

望住買回來如樹枝般的 #雞骨草 和貌似豬潤的 #豬横脷,總覺得味道應該是苦。。。口良藥。不過為了健康,在所不惜。結果「大失所望」,飲落一點草藥味都無,仲清清甜甜幾好飲 😋❤️

跟不是湯怪的moO姐推薦,「這是JoyC姨姨教我煲的湯」姐即時喝下大碗,大叫好飲。只因坐月時,姨姨煲的湯姐是忠粉。

材料

雞骨草 3兩
豬橫脷 1條
栗米 1條
紅蘿蔔 1條
煲湯骨 250g
蜜棗 4粒
清水 12碗

做法

1.雞骨草先浸泡20分鐘,再用清水沖洗乾淨沙泥。
2.豬橫脷去除底部白色筋膜洗淨,與煲湯骨汆水。
3.栗米與紅蘿蔔切件,與蜜棗洗淨備用。
4.湯煲注入清水,先放入雞骨草開火。水滾後加入所有材料(豬橫脷除外)中火煲20分鐘,之後轉小火煲2小時。
5.最後放入切小塊的豬橫脷,再煲30分鐘。有需要可自行調味,Enjoy!

=====================

典型金牛座 – 淘氣,愛賭氣,認定人生要爭氣。家有生於佛誕與平安夜二寶,親自養着真善美。 初記一對金牛母女成長樂與淚,今天是一湊二的苦與甜,麻媽天天在moo moo叫。

FB:當MOoMOo麻媽撞上moOmoO女鵝