【生產日記】薯BB出世後的三日兩夜

【生產日記】薯BB出世後的三日兩夜


薯BB出世後的三日兩夜 (聯合醫院篇)

對於新手媽媽的我來講, 未生之前不斷諗我冇可能1個人湊得掂佢….因為乜都唔識…. 但事實係做左人媽媽,好多野都唔可以話唔識就唔做,同埋亦都好多謝聯合醫院既所有醫生,姑娘同埋姐姐佢地都好細心教我點做人媽媽, 餵奶, 換片~所以真心覺得政府醫院生小朋友都唔差*

仲記得生完之後我響產房有一個鐘休息
薯爸爸就響出面呆等…. (個傻佬電話壞左又唔敢走開)到我差唔多可以上病房時我又比人掉左響走廊等人推上房….

到上返病房因為頭8小時唔可以落床, BB響探病之後就會比人推走,依個時候媽媽應該好好休息, 唔好好似我咁掛住玩電話唔訓教~~ XD因為之後你就唔會有得好訓……但未落得床, 點餵BB呢?
就係到時到候姐姐就會抱BB比我訓響度餵佢, 但我BB太爛訓豬.. 成日啜啜下訓左…… XD
不過姐姐都話比佢啜下, 等佢慣下點啜~

時間好快就過去…  8小時過去, 考驗即將開始, 首先會有姐姐教點洗傷口, 之後就換病房衫, 過多陣BB就返媽媽身邊喇零晨3點第一次學餵奶換片, 感覺好神奇, 細細的, 軟綿綿的, 可愛,姑娘果陣就教每次餵一邊, 45MINS 45分鐘過去, 又推返去病床旁邊, 每隔4小時就去學餵奶, 學左我諗3-4次左右啦, 姑娘就會叫你響床餵,沖涼就一日一次, 就由姐姐幫手沖既,

每1日既早上醫生都會睇傷口同問情況, 而BB都有2次見醫生, 最尾果次CHECK完黃膽冇問題就可以出院,不過多數第二日就要去健康院繼續CHECK住個黃膽而我薯BB都唔知叫唔叫好彩, 出院1日第2日因為黃膽去到300幾又入院照燈

果晚我喊左好耐…… 不斷諗係咪自己D人奶唔夠飽?
係咪餵得唔夠? 係咪自己做我唔好?好彩老公明白我. 仲鼓勵我, 我先冇咁唔開心

但因為我想佢快D退黃所以響醫院係飲奶水你可以揀用杯定用奶咀, 但我怕佢飲慣奶樽唔肯埋身,所以我揀左用杯, 同埋我有時間就走左上去餵人奶,但原來我餵左幾日都唔識餵…. 姑娘見到就由頭教我,留意返依個姑娘係兒童病房既姑娘~教我更細心,更好,因為我已經比薯b 啜到損哂加流血….到果刻先知如果啜得岩係唔會痛….真係教識左我先比我走, 所以好多謝佢教識我~!!而BB第2日都可以出院喇~ 🙂 放心哂~~

不過出院後回家又係另一挑戰! 各位媽媽都要加油~

BB2個月~~~肥肥白白好健康** 🙂

===============================