【HolidayMama】港版四國小豆島!走過天使之路x歐陸色彩小鎮&教堂

【HolidayMama】港版四國小豆島!走過天使之路x歐陸色彩小鎮&教堂


來一場香港版日本之旅 😍😍~

今朝天陰陰,都驚朝早會落雨,好彩又冇~
難得豬🐽隊友又可以早起到身😅,我哋就出發去欣澳行行。

一條平坦寬闊嘅道路,好好行。而且右邊有個靚海景有輪船🛳,左邊間中有港鐵🚄經過,頭頂有時仲有飛機✈️飛過,真係有齊海陸空😂😂。

之後經過石灘和鞦韆,就去到 香港版小豆島🏝之稱嘅長索島。(請查看天文台有關潮退的時間,否則不能看到天使之路或被困於小島上)

真係要記住自己垃圾自己帶走呀😨😨~唔好亂拋垃圾~
退咗潮,有好多垃圾係條天使之路度😓😓。

其實香港真係好靚,我哋要好好愛惜~ #我愛香港 ❤️
沿路返出去時,小朋友有少少攰,好彩喺地下執到好大條草🌾。

阿囡好鐘意條草🌾,因為佢覺得好似魔女宅急便入面琪琪把掃把🤣🤣。

我哋玩咗掃把飛行😆😆。(阿囝唯有扮隻貓😂😂)
我叫小朋友飛去巴士站先自己行,甚至跑🏃‍♀️🏃。
(做媽媽真係少D創意都唔得😜😜)

跟住我哋搭巴士入愉景灣~~一個充滿歐陸色彩嘅小鎮。

廣場有粉紅色旋轉木馬 🎠、心形鎖牆 ❣️和 壁畫牆打卡 ~

我哋食完午餐之後,行去一個好似日本沖繩教堂⛪🗾看看。

我真係好想去好耐,一直都無機會,今次終於去到喇🥰🥰!

之後我哋行去沙灘那邊玩沙🏖,小朋友真係好鐘意玩沙😄😄。(不是公眾泳灘,不建議游泳)

開開心心又大半日~由上午八點半出發,玩到兩點~
返到屋企,小朋友沖完涼就瞓晏覺😴😴,時間剛剛好👍👍。

活動資訊

香港版日本四國小豆島(長索島)
前往方法:
欣澳港鐵站出閘後,面向海向左行,沿海邊往前走。(注意沿路間中會有車輛駛入)行到分叉路,左邊平路沿路軌邊,右邊沿海。選擇沿海繼續行,欄杆初時是淺藍色,之後是綠色的。跟住會落樓梯,經過鹿頸村(有士多和公廁,但我未去過) (注意村民有養狗,提示小朋友不要見到狗隻而尖叫引起注意)。

我囝囝因有尖叫,曾引起狗隻吠。其實狗隻不是太惡的,只要提示小朋友見到狗隻不是給太大反應,慢慢行就可以了。

最難行是石灘,請小心扶著小朋友往前走,幸好石灘路程很短。
見到鞦韆後,前面就是小豆島!

沿路沒有櫈休息,但可以坐吓大石抖吓。全程行咗35-40分鐘左右。

*注意潮汐時間,選擇退潮時去(每天也有些差別),可以留意天文台網站 (馬灣地區)。
*一般在早上的時間
*較早亦較少人

香港版日本沖繩教堂

之後沿路行返去港鐵站前的巴士站,搭DB03P,總站落。(注意約30分鐘一班車)
巴士班次資料

落車後,向左行是愉景灣北商場,可以吃午飯、看木馬和壁畫等。向海方向行,落樓梯,見到心形鎖向左轉直行便是沙灘(不是公眾泳灘,不建議游泳,可以堆沙) 。見到心形鎖,向右轉直行便是酒店,過了酒店便是日本沖繩教堂。

=================

畢業於科大生化系碩士和教大教育文憑,曾於小學任教數學、常識、體育和音樂科十三年。現為全職媽媽兼任 Miss SwanSwan,創作邊玩邊學的活動,教養一對三歲的龍鳳胎,亦是親子網站的博客。

FB:Little twin stars龍鳳寶寶