【HolidayMama】一次過滿足8個願望!草地x迷宮x堆沙!幫你安排好一下午

【HolidayMama】一次過滿足8個願望!草地x迷宮x堆沙!幫你安排好一下午


 其實香港真喺有好多 #好去處!今日要介紹一個我幾乎每年都去至少一次嘅地方,以前常常做小二班主任,每年都會到這個 #公園 玩。班小朋友每年都玩到唔捨得走。 而且最緊要喺乜,就喺交通尚算方便,就近港鐵。我當日「 #一帶二」去都 #冇難度! (我約了妹妹和姨甥女喺目的地等)

其實呢度唔算喺一個好特別嘅地方,好多人都去過,但今次嘅行程可以一次過滿足8個願望,所以想介紹吓點樣安排~點樣玩法~ 

第一願望:特色遊樂場
1) 四人 #搖搖板~可以坐4個人一齊玩~
2) #氹氹轉~細個成日玩,大個真喺好少見到~
3) #屋仔~小朋友最鐘意有自己嘅 #小天地~ 

第二願望: #大草地 公園裡有數片草地供 #放電 

第三願望: #迷宮 九龍公園都有個迷宮,但今次d果好特別~低幾級~好有用!!重要嘅事要講三次 好重要!好重要!好重要! 囡囡遺傳左我大膽嘅性格,本來叫佢拖住細佬行迷宮。頭幾步都有,但好快甩開細佬的手然後狂奔!!!!!! 最後真喺唔見左佢!!好彩個迷宮設計好好,我上番高幾級就搵到佢,嚇c阿媽 ~ 

第四願望:騎 #海豚 無得去日本 #沖繩 ~騎住影吓相當去左 。 

第五願望: #美女與野獸 的 #舞會 環境真的很優美~阿囡扮公主同細佬跳起舞來! 這裡影 #結婚相 也一流! 

第六願望: #海邊cafe #嘆咖啡 這個是媽媽的願望 。杯 #海鹽焦糖鮮奶咖啡 好正 !奶味濃,又不會蓋過咖啡味,加上海鹽焦糖令層次提升,襯番個海洋 ..哈哈!小朋友就食最愛的pizza 和蛋糕~點了Passion Fruit & Mango Tart 和 Lemon Meringue Tart,不太甜,吃到水果的鮮味,很好吃 ! 

第七願望:堆 #堆沙 天氣愈來愈涼,就黎冇得玩沙,抓住玩沙的尾巴吧! 

第八願望: #偽行山 整個過程,我都係推住bb車,係附近範圍行吓走吓。堆完沙,往前行,有一段平路小徑,四周也是樹木,可以偽行山。 
其實附近仲有其他野玩,真喺玩一日都未玩完。下次再黎~

活動資訊

地點:馬鞍山公園前往方法:
https://www.lcsd.gov.hk/tc/parks/mosp/access.html
搭港鐵的話,馬鞍山港鐵站A出口出,穿過商場就到,離港鐵站約步行3-5分鐘,十分方便。
建議可先到公園玩,之後到海邊cafe吃中午。餐廳叫Casa Cafe & Bistro(海澄軒地下4號),行過馬鞍山圖書館和游泳池,往海邊方向走。見到外形好似酒店既海澄軒就停。在側旁小徑行向海邊,左側就見到餐廳門口。
吃完飯,可選擇先到圖書館過冷河,再到沙灘堆沙。
行山小徑 係公園的反方向,過了沙灘,繼續向前走就是。
記得帶蚊怕水~
希望你同小朋友都玩得開心 希望大家喜歡今次嘅分享~

=====================

畢業於科大生化系碩士和教大教育文憑,曾於小學任教數學、常識、體育和音樂科十三年。現為全職媽媽兼任 Miss SwanSwan,創作邊玩邊學的活動,教養一對三歲的龍鳳胎,亦是親子網站的博客。

FB:Little twin stars龍鳳寶寶