【HolidayMama】維港景連露台Staycation!專車接送!無邊際泳池正到爆!

【HolidayMama】維港景連露台Staycation!專車接送!無邊際泳池正到爆!


爸爸媽咪因為慶祝十週年結婚紀念book咗個staycation~第一日梗係要留番啲時間俾佢哋二人世界啦,不過第二日我哋就去咗踩場🤭🤭

真係好好玩呀✨🤩✨

👧🏻👧🏻👶🏻玩後評分(5👍🏼為滿分)

酒店地點:👍🏼👍🏼👍🏼👍🏼👍🏼
(首先唔好講話佢哋會有車喺你樓下接去酒店,就算係自己去,佢哋間酒店係連接尖東站,加上K11Musea就係酒店樓下,非常方便)

酒店安排咗架車送爸爸媽咪去酒店

酒店服務:👍🏼👍🏼👍🏼👍🏼👍🏼👍🏼👍🏼👍🏼👍🏼
(呢個真係無得頂,由專車接載到酒店,一落車就已經有一個管家接應我哋,帶我哋上房同埋會詳細講解酒店同埋房間設施,而且check-in係會喺房裡面做,唔使等唔使企住check-in,真係好VIP🤩再加上佢哋真係好細心,我哋只不過喺對話內容提及有小朋友,個管家轉頭就送咗一大袋既野話要俾我哋既小朋友,真係好窩心❤️❤️❤️)

間房佈置得好靚呀❤️

因為管家知道我哋既存在,佢專程送咗咁多野俾我哋😍😍

酒店設施 :👍🏼👍🏼👍🏼👍🏼👍🏼
(就咁講房裡面既露台已經贏哂,試問有幾多間酒店既房係會有露台?!仲要可以喺個露台度嘆埋個high tea,真係人生一大樂事😌同埋佢個泳池係無邊際,一去到見個泳池已經不禁嘩嘩嘩聲,一路游水既時候,啲水同個天連成一線,你會感覺自己好似飛梗咁,好正呀!)

個景靚到好似poster咁🤩同埋牀上面果兩件浴袍係送俾我哋架,仲要細心到繡埋我哋個名喺上面

個露台好舒服呀🌞

咁啱影到唔同種類既船經過😍

呢度既茶包是酒店獨有架❤️

所有喺雪櫃既飲品都係免費,而果盒cupcakes係酒店送俾爸爸媽咪慶祝佢哋十週年結婚紀念💐

好靚呀😍😍😍

望住咁靚既夜景玩,實會分心啦🤭

我哋終於出現喇🤩

哈囉🤗

連電梯裡面都有櫈坐

終於嚟到泳池喇😍😍

Swimming time🏊‍♀️

唔講仲以為去咗泰國🤭

我都試吓擺個打卡post先🤣

好大隻棋呀😮

點解度度既景都可以咁靚架?!🤩

酒店食物:👍🏼👍🏼👍🏼
(食物方面我哋覺得呢間酒店係少啲選擇,唔知係咪因為樓下就已經係K11Musea,同埋你可以喺房直接訂K11Musea啲餐廳既野食兼會送埋上房食,所以酒店既餐廳唔算好大,就連佢既high tea都係喺Artisan Lounge,不過咁靚既景,的而且確喺房裡面食就最正🤩)

佢個魚子醬多士同埋法式鮮花奶凍真係好好味😋

Good morning😋

整體分數:👍🏼👍🏼👍🏼👍🏼👍🏼
(雖然今次呢個staycation價錢係比較貴,之前以為半島Rosewood果啲已經唔平,點知一山還有一山高,不過呢度既服務真係7星級,你睇佢間房佈置得幾有心就知,再加埋個靚景露台同埋無邊際無人游水既泳池,呢個兩日一夜既VIP旅程真係超正,唯一美中不足既係時間太短喇,我諗玩呢間酒店最少要三日兩夜🤭呢個staycation又俾到動力我哋去努力工作搵錢準備下次既encore😁)

Bye Bye喇靚靚酒店👋🏼

活動資訊

酒店係K11Artus,係喺K11Musea上面

我哋既package係包一程車,海景套房連露台,房裡面嘆下午茶,早餐同埋所有minibar既野食,連服務費盛惠6仟個大洋

官網訂房

==================

哈囉,大家好呀!我哋係Melissa,Bella同埋Alyssa!我哋會喺度分享我哋3姊妹既生活點滴!

FB:MBA樂園