【HolidayMama】少人唔攰行山打卡路線!夠晒特色!大水管x歷史建築

【HolidayMama】少人唔攰行山打卡路線!夠晒特色!大水管x歷史建築


【大水管+行山】

今日天氣好好🌞,我哋去上水泊車 🚘後就去咗上水馳名嘅大水管💦,大概行15分鐘就到,人唔多但個景又幾特別嘅,隨便擺鏡都可以影到唔錯嘅相。呢度仲見到唔少人沿途踩單車🚴‍♂️🚴‍♀️,Well其實都幾爽💨 。

天氣好好。無咩人,可能影1GB相都得
呢張相只係隨手擺低部機喺地下就影到。人唔多,好好影。

睇完大水管之後,我哋仲去行咗去睇殖民地時代嘅英國🇬🇧 石砌軍徽💂🏽‍♀️,呢類建築而家買少見少,趁仍然有得見識下就一睹其風貌🖼。地點唔算難搵,但,我哋選擇嘅路線據聞之前山上曾經歷大火😔,焦土處處,而且山上有工地而封閉部分山路,所以我哋未能成功登山,只好沿路折返。But,如果你都想搵啲少人得嚟、出到汗又唔太累嘅路線,我諗呢條嘅值博率幾高。

英軍百年石徽至今仍可見
未到山頂但景色也非常空曠,望番上水一帶

最後呢,原來上帝關了一隻門🚪,都會順便開番一扇窗 🪟係真嘅。我哋回程果陣,除咗影到唔錯嘅全家幅外,隔岸見到十數隻的牛羣,適逢牛年伊始🐮,也祝大家2021新年快樂、事事順心!😃

回程有緣遠望牛群,同呀仔一路行一路扮牛叫

路線資訊

今次嘅路線由上水寶石湖邨開始,行到去大石磨然後折返。

我地先泊咗車係寶石湖邨嘅公眾停車場,嗰度時租車位都幾多。然後我哋行大約1公里去大水管(https://goo.gl/maps/nAjAA4BFSEqUBGg49)方向,沿途行入去其實無咩人,可以一路影一路行都無問題。喺大水管打完卡後,我哋經過一條橋橫越梧桐河(https://goo.gl/maps/UCjp7zqRRsQbXBKq8)進入河上鄉路。如果想登山嘅可以喺快景路直上,然後轉入小路(https://goo.gl/maps/7bDcrzoxfTrMzkZP9),直登大石磨東北面荒屋(https://goo.gl/maps/W3brMwg6rf8k9QsbA)。(帶住小朋友行呢條穩陣啲)

不過我一家無行呢條,行咗另一條路去睇軍徽。我地沿河上鄉路,經過羅湖懲教所、河上鄉新村公廁,同埋羅湖騎術會,係路口嘅一條小路(https://goo.gl/maps/WTbpG5sYMJWg5XSq7)右轉上山,再經過一啲山墳同山路,少少崎嶇,大約係呢個位置(https://goo.gl/maps/mcXyE32GHcjb2HSw7)就睇到軍徽。但,呢條路沿途真係焦土處處,而且上山路被地盤封阻,所以我哋最後無上到山頂。

最後今次全程用咗大小時,行咗大約6.7KM,希望以上資訊幫到你安排行程!

================

一圖一文滿載親子回憶
一點一滴記錄成長片段

Facebook:泥圍爸爸的育兒時光