【停課不停學!】4個免費教學資源網站

【停課不停學!】4個免費教學資源網站


隨疫情再次變得嚴峻,喺新常態下要再度維持「#停課不停學」。喺而家呢個世代,識得教同識得玩確實係好重要。以下有幾個我最近經常瀏覽嘅網站,提供咗唔少 #在家教學 嘅 #免費教學資源 邊玩邊學,希望幫到大家為小朋友安排在家學習的活動帶來些少啟發。

1️⃣ 童聲童戲(https://www.facebook.com/funfungame2020

喺草木皆兵嘅年代,其實隨手執起一樣日常用品,配合埋預先計劃好嘅 #教學目的,一樣可以讓小朋友學得到、學得好。呢個本地Page時常會分享透過唔同嘅日常用品來學習嘅方法,例如衣夾、剃鬚膏、雪條棍同螺絲粉等,統統都係日常生活中信手拈來嘅物品,配合教學小點子,讓小朋友從生活中愉快學習。

2️⃣ 百好繪本士多(https://www.facebook.com/picturebookstore

迄今為止都係我學習點樣同小朋友講繪本故事嘅靈感之地,#百好繪本士多 間中會定期舉辦不同網上/實體講故事活動,之前曾舉辦過網上 #繪本 故事時間,適合大小朋友一同參與,在忙碌生活中好好放鬆自己。

3️⃣ Hands On As We Grow: Activities for Toddlers & Preschoolers (https://www.facebook.com/handsonaswegrow

呢個係一個外國既Page,入面提供海量幼兒 #美術 同做 #手作仔 嘅有趣方式,絕對係從生活中學習的高質示範,例如蠟筆嘅35種玩法、用樹葉制造大小勞作,以及25個感官學習活動等。

4️⃣ Education.com(https://www.education.com/resources/preschool/

同為一個外國既網站,分有免費資源同付費資源,提供適合不同程度嘅 #工作紙、#教學活動、#教案、#遊戲、#故事 以及 #簡單實驗,合共超過5,000個不同項目。免費資源由寫字 #練習、#填色,以至簡單數學練習都一應俱全,屬於懶人父母(我)準備教學材料嘅 #恩物。

====================

一圖一文滿載親子回憶
一點一滴記錄成長片段

FB:泥圍爸爸的育兒時光