【HolidayMama】放電一流隱世遊樂場🎡!多元化户外玩樂設施🎢!免費室內爬蟲館🐍

【HolidayMama】放電一流隱世遊樂場🎡!多元化户外玩樂設施🎢!免費室內爬蟲館🐍


有位爸爸喺網上分享一個啱一家大細去、好多元化嘅免費遊樂場🆓!戶外有齊跑跑跳跳嘅玩樂設施🎏、室內有得親親小動物🐢、睇平時好少見嘅爬蟲類🐍,仲要係免費入場😛!絕對可以放電放足半日🔋!

室外嘅兒童樂園都有好多嘢玩🥳!有彈床、敲擊樂器🥁等等。沿途會見到有噴水花花裝置⛲️,再行入啲仲有座目測兩層樓高嘅攀爬塔同滑梯𠻹🎢!

最最最吸引嘅係有多款鞦韆😍😳!包括:雙人親子型👨‍👦、座椅型👶🏻(有安全帶,似Car Seat)同搖籃型!爸爸👨🏻表示:「唔止係小朋友,大人見到都覺得好好玩!」

玩完室外,仲有個室內爬蟲館🏢!館內地方雖然唔係好大,但入面有好多平時少見嘅爬蟲類👀,例如:手臂禁粗嘅氈蟒同球蟒💪🏻🐍、大過隻鑊嘅盾臂龜🍳🐢,仲有啲真係一路都未見過嘅蜥蜴同蠑螈🦎,真心值得一睇💯,令大人細路都大開眼界🤩🤓!

公園翻新過之後設施比以前更多更新!個人覺得啲設施安全得嚟都好好玩,暫時係印象比較深刻既遊樂場!

總括嚟講,室內同室外同樣好玩,係一個有誠意嘅玩樂設施!可以再去!

活動資訊

地址:屯門公園

交通:可參考康文署網頁➡️ https://bit.ly/3n0hjQB

🕖開放時間:

1️⃣兒童遊樂場:每日上午七時至下午十一時(包括公眾假期)

2️⃣爬蟲館:每日上午九時至下午六時(包括公眾假期)每星期一上午七時至下午一時暫停開放,以便進行場地保養工作。(如星期一為公眾假期,保養工作將順延至下一個工作天進行)

溫馨提示:爬蟲館冷氣都幾凍,去室外玩完記得同小朋友抹汗💦同洗洗手🤲🏿先!

====================

FB:泥圍爸爸的育兒時光