【Holidaymama】幾種難度,適合唔同程度!香港親子行山路線集合!

【Holidaymama】幾種難度,適合唔同程度!香港親子行山路線集合!


抖咗咁耐,好想同小朋友郁動一吓?3條唔同程度嘅親子行山路線啱晒你!

1.港島海傍漫步徑

#一小時港島海傍漫步徑 #輕鬆寫意親子遊

唔搵唔知,原來港島都有一條海傍漫步徑,1小時多就可以走畢全程,非常輕鬆寫意😌十分適合小B家庭親子遊👍👍

從海洋公園站出發,沿香島道走即可至苗鐘徑(即海傍漫步徑入口),經過深水灣沙灘再至另一海傍徑,直達淺水灣🤟🏻沿路可見港島南沿岸沙灘海傍美景,可惜昨天我地到訪時,遇著雨天,拍不出靚相👉🏻👈🏻

整段路程好輕鬆,吹下微微海風好寫意,小朋友簡簡單單地係沙灘玩,都夠晒開心😚

路段:海洋公園站👉🏻深水灣👉🏻淺水灣
路程:1小時
難度:⭐️

📌淺水灣沙灘🏖️那邊有商場餐廳,可以high tea的,但更衣室關閉中,只有小小淋浴間,到沙灘玩要準備多一套衣服哦
交通🚌:巴士6/6X可至中環或其他多條路線

2. 城門水塘路線

#下城門水塘靚景少人 #2個半鐘輕鬆郊遊路線

成日坐車行城隧時,都見到瀑布峽谷,一直都想停下來欣賞一陣,今日完成目標✅發覺呢度真係好靚😍冇來錯!

水塘一向係行山熱點,景靚又易行,今日行程初段還是不能避免地,要經過人多嘅城門水塘主壩(猴出沒注意⚠️),再從主壩下行至下城門水塘峽谷🌟非常規路段所以好少人;行經城門隧道常見之地🌟今日流水不多,瀑布不夠壯觀,不過齋睇峽谷地型,都夠晒震撼,外加一個照鏡潭,真係靚到一個點🤩然後,我地再沿水管山路繞著下城門水塘走,唔驚唔覺就行到下塘主壩(猴出沒注意⚠️),全程用左2個半鐘,輕鬆完成😎

路段:菠蘿壩(城門水塘)👉🏻下城門水塘(非常規路段)👉🏻寶福紀念館
路程:2.5小時
難度:⭐️⭐️(只有1位置比較要高難度)
註:行山初哥須有經驗人士陪同,部分路段要跟著前行山人士留下嘅標記

3.瀑布礦洞靚景行山徑

#瀑布礦洞靚景行山徑 #飽覽全港景色郊遊徑 

上次去過愉景灣行山,對此處飽覽全港景色念念不忘,但上山經老虎頭之路確係艱辛一點,所以今次決定逆行,由梅窩出發!

多年前曾踏足梅窩,但就未曾到訪銀礦灣瀑布同礦洞,今次行山特登安排途經,點知有啲失望😣,瀑布只有少少流水(可能近期雨水唔多有關),礦洞都只係一個山洞😅伏伏伏…

幸好山上景色優美😍補返數,好快就睇到golf場、再來就睇港島離島景,行前一點睇埋黃昏機場景,最後去到老虎頭🐯郊遊徑觀景台,睇晒愉景灣全景~行山雖攰,但睇到靚景真係好值得🥰

梅窩經老虎頭郊遊徑往愉景灣
路程:全長10km
難度:⭐️⭐️⭐️(尾段經老虎頭下山難度高)
時間:4小時
景點:瀑布、礦洞、golf場、機場、愉景灣
❣️唔想太高難度,不要從觀景台經老虎頭下山,沿路有小徑下行

====================================

鯨魚家姐蝦子細佬既逗人歡樂,也惹人煩躁,最喜愛玩樂,也熱衷運動,專門搜羅親子好去處、好玩趣味之郊遊及旅遊路線

FB:鯨魚‧蝦子媽咪親子log