【HolidayMama】免費!玩轉大排檔、雞蛋仔、牛雜檔~稻鄉飲食文化博物館

【HolidayMama】免費!玩轉大排檔、雞蛋仔、牛雜檔~稻鄉飲食文化博物館


 今次又搵到一個免費的地方去滿足Justin手多多、搞搞震的慾望!

位於火炭的飲食文化博物館,每逢星期六、日及公眾假期都對外開放。只要預早上網預約便可,而且係免費的!

博物館位於火炭工業區,由火車站行過去5分鐘就到。一入到去就見到一幢與別不同的大樓,博物館位於大樓一樓。

一入門口就見到有大排檔、雞蛋仔同牛雜檔,Justin當然要扮下牛雜佬、賣下雞蛋仔啦!所有食物同擺設都好迫真,我同爸都玩得好開心。

到預約時間,有位職員帶住我一邊行,一邊講解香港同中國的飲食文化。Justin聽唔明,就繼續搞搞震,扮飲茶。但係我同爸都聽得好開心,長知識了!

展館仲展出左好多煮食用具、舊式收銀機、香料、滿漢全席等等。

最後,展館會播放一段3D影片,同派發一張紙俾小朋友去打水印。

短短一個鐘的行程,小朋友可以玩下扮下野。如果帶讀緊小學的小朋友去,係好有意義,因為好多飲食文化已失傳,可以俾佢了解一下,讓文化傳承下去。

溫馨提示:場內有部份展品可供觸摸體驗,有一部份則不可觸碰,如有疑問可向在場工作人員查詢。

【稻鄉飲食文化博物館】

地址:新界火炭坳背灣街13號1樓
預約方法:網上預約或電話預約(預約電話: 3989 7000)
公眾人士可預約參觀時段:

  • 星期六、星期日及公眾假期
  • 時段:09:30-10:45,11:00-12:15,14:30-15:45及16:00-17:15

*每節參觀時間為1小時15分鐘,由導賞員以粵語進行講解,每節時段名額為三十人

 

==============

Justin全職媽媽,每日嘅任務係帶住囝囝飲飲食食同玩,不斷學習做個好媽媽,發放湊仔正能量!

Facebook:田媽。玩。樂。誌