【滿身紅疹唔一定係濕疹!】原來係過濾性病毒!港媽真實經歷記錄

【滿身紅疹唔一定係濕疹!】原來係過濾性病毒!港媽真實經歷記錄


我個仔終於變返靚仔!

過去嘅32日係我最痛苦嘅日子😭仲慘過坐月😢

由中秋節追月後,弟弟開始流鼻水,拿拿聲帶佢睇醫生,點知兩日後轉染左比姐姐,跟住再帶姐姐去睇醫生,最後兩姐弟差唔多十日先完全無鼻水。

開心左幾日後,弟弟額頭出左幾粒小丘疹,過多兩日成塊面都係,然後再過多兩日到耳背、頸、背脊、手、心口同腳,全身都係。

每日就係見佢不停拗,拗到邊d疹就好似擴散咁,上網搵資料,又問下朋友,再問下皮膚FB專業,答案都不外乎話係咪轉天氣?風疹?濕疹?

不停幫弟弟查cream,淨係用清水沖涼沖左好幾日都無好轉於是去睇家庭醫生,診斷都係話對化學嘢敏感反應,例如係轉左沖涼液同潤膚霜?但無wo…

用完醫生比嘅潤膚霜同藥膏都無好轉,呢個時候媽媽我就開始被challenge:係咪因為你食左hairy crab又breastfeeding 所以令弟弟allergic?係咪你幫佢轉左隻lotion所以搞到佢咁?

被challenge到我開始有少少懷疑人生,甚至唸到係咪因為我pregnancy嘅時候無乜點介口所以弟弟皮膚唔好?

無計可施下99 suggest用金銀花沖涼,點知沖完第二日就好似火山咁bomb bomb bomb,D疹變到好紅好大粒!!!即刻飛的去油麻地睇皮膚專科😫

原來係過濾性病毒,一般係發燒/傷風感冒後出現,同玫瑰疹唔同,因為唔會傳染但會痕。醫生開左沖涼油、藥膏同抗敏藥,大約三日後,明顯好左好多。到今日已經好左九成,面仔已經fully recover,個身就因為比弟弟拗損左要再加強潤膚等佢慢慢變返白滑。

當然,我亦都有問皮膚醫生母乳/小朋友飲食/潤膚霜直接影響,醫生答案:無關係✖️

聽完醫生講,心入面擔心左好多日嘅顧慮同迷思好似得到解脫,再加上連續十幾晚總會因弟弟痕醒而要起五,六次身,送弟弟返屋企嘅途中終於喊左出嚟😢

俗語話:牙痛慘過大病,但我覺得皮膚慘過大病🥲

慶幸弟弟唔係濕疹寶寶🙏🏻真心佩服要照顧濕疹BB嘅媽媽們,辛苦了。

===============

酒店業媽媽🤱🏻
拎行李去酒店嘅爸爸👨🏻
鍾意跳酒店床嘅囡👧🏻since Dec 2017
鍾意爬酒店床嘅仔👶🏻since Nov 2020
吃喝玩樂🧠🍎🍖🍔🫕🍤🍮🍭👨‍👩‍👧‍👦

IG:jaceysumsum