【親子茶點】煙煙韌韌 – 薯仔芝士燒餅

【親子茶點】煙煙韌韌 – 薯仔芝士燒餅


第一次整呢款薯仔芝士燒餅好成功,亦估唔到Bella好鍾意食,仲同我掃左四塊咁多……其實呢款燒餅,我調配到比起平時街外食嘅豆莎燒餅口感更軟糯,而且唔做甜點做咸點,用上薯仔同芝士拉絲,材料簡單,做法亦只需要個煎pan便可,不過太細嘅小朋友就唔好試住,因為燒餅始終都有煙韌感。

親子茶點:薯仔芝士燒餅 

滿滿的芝士拉絲,Bella食到成口都係。

材料(8-9塊份量):
糯米粉 75g
薯仔 170g
Mozzarella cheese 45g
開水100ml
鹽少許
黑芝麻少許(隨喜好決定) 

做法:薯仔去皮切粒,水滾後,
放碟中隔水蒸約15分鐘或至熟透。
然後瀝乾水放入大碗中。

加少許鹽調味,約半茶匙。
然後用叉把薯仔壓爛至薯蓉狀態。

把糯米粉分兩至三次加入薯蓉中,
與薯蓉混合,期間分數次加入開水混合再搓成粉糰。

把粉糰分成8至9份,在掌心搓平,
中心放入芝士,然後摺起包裹,
再在掌心搓成圓形,如果太乾有裂縫,可沾少少水修補。

開大火,平底鑊下些許油至酒油滾,調回中火。

取起粉球,在掌心輕壓扁,
中央放幾粒黑歡芝麻,周邊如有裂紋可沾水修補。

放入平底鑊中煎約4分鐘,然後再翻轉另一面煎4分鐘。

之翻復兩邊煎至微黃色便可。

燒餅的周邊位也要烙一烙。即成。

因為加了薯仔,所以口感比平時吃的更軟糯,
厚薄也可按自己喜歡來控制。

======================

慢活型媽媽~ 喜歡做幼兒特色料理~ 分享好物情報~

FB:許許與小Bella