【佛心俄國小男孩🥰】親手繪畫換贊助幫流浪動物

【佛心俄國小男孩🥰】親手繪畫換贊助幫流浪動物


俄羅斯9歲小男孩Pavel Abramov,佢同其他小朋友唔同~佢唔需要買新玩具或者新電話😳,佢一心想同媽媽一齊幫助小鎮內嘅流浪動物💖,為佢哋提供所需嘅食物、補充品,甚至可以嘅話會提供埋居所🏡。原來Pavel 由一年幾前已經開始咗一個名為“Kind paintbrush”嘅慈善活動🥰!當中係透過Pavel為不同嘅主人畫佢哋嘅寵物嘅畫作👨🏻‍🎨,用以換取一啲貓狗嘅糧食、補充品等等💪🏻!

呢個名為“Kind paintbrush”嘅慈善活動嘅起源係因為當時Pavel失去咗一隻佢同媽媽都十分愛惜嘅狗仔🥺,一家人都因此而受到打擊,亦因為咁冇辦法再不斷見到咁多流浪動物受苦,所以就開始咗呢個極具創意而且十分佛心嘅活動啦!🥰

但呢個並唔係佢哋幫助有需要嘅動物嘅志願旅程嘅開始👀~兩人一直都管理當地社交媒體網站VK上而嘅一個小組,嗰個小組名為“一個小志願者能做什麼?”💁🏻‍♀因為佢哋一次又一次咁證明,一個小小嘅人可以帶來積極嘅變化💪🏻,令其他人都隨之而來!呢個年輕又富有利他主義嘅小男孩,喺冇資金同組織嘅幫助之下,佢仍然堅持理念及保持到寬廣嘅胸懷,天賦的確不可否認,善心更加係不容置疑!💖😘

帕維爾(Pavel)描繪咗唔同主人心愛嘅寵物😍,同佢哋簽署協議讓佢哋收到畫作後提供糧食、肉同補給品💖!Pavel知道自己每個小Model嘅名,更加經常喺畫完後重遇到佢哋🐕🐩🐈🐾。佢根據寵物嘅相片嚟繪畫,而且佢亦對主人點樣認識毛茸茸嘅家庭成員感到興趣😳~從寒冷嘅街道上救出寵物令人心動嘅故事亦深深咁打動咗Pavel,就好似只需要聽到唔同嘅故事Pavel就已經心足🥰,根本唔需要再有任何報酬!

就咁樣小男孩就喺呢一年幾之間幫助咗無數嘅流浪動物💖,而佢嘅夢想就喺成為一個建築師💡,喺將來建造一個大嘅庇護所俾所有有需要嘅動物居住🥰,佢亦想通過自己嘅藝術同人道舉措做出最大嘅貢獻💪🏻!真係一個十分了不起嘅小朋友啊~!👏🏻👍🏻

資料來源:bit.ly/2w1KLkg