【教BB嬰兒手語表達自己!】兒科醫生認為有助認知、情緒發展同溝通!

【教BB嬰兒手語表達自己!】兒科醫生認為有助認知、情緒發展同溝通!


係Holland B九個半月大時,我開始認識嬰兒手語 — Baby Sign Language 。嬰兒手語源自於美國,係1960年代開始有相關既研究同書籍出現,而現時嬰兒手語既教學系統發展成熟,網上資源亦十分豐富,甚至兒科醫生同幼兒工作者都相信嬰兒手語有助嬰兒既認知、情緒發展同溝通。有見及此,我就膽粗粗嘗試下應用係用餐時間。

一開始我先介紹「ALL DONE」表示用餐完畢,因為每次Holland B食飽後就會開始扭計,甚至嘗試離開餐椅。每次用餐完畢,我都捉緊機會向佢試範「ALL DONE」手語。而Holland B會停止哭鬧,好好奇咁望實我。

大約兩星期後,當我講「ALL DONE」,十個月大既Holland B會拍手回應。(當時剛學會了拍手)雖然手勢不正確,但我都會讚賞佢既回應。

因為呢個回應代表佢已經能夠將動作(手勢/佢拍手)、聲音(媽媽說ALL DONE)、事件(食飽)連結起黎,明白手語的意思。一星期後,Holland B已經可以主動做「ALL DONE」表示食飽/唔想再食了,而不再是拍手。

除左應用係用餐上,玩玩具、睇圖書、沖涼、甚至搽Teething Gel,當佢想停止個樣活動時,佢就會做「ALL DONE」,能夠完全地表達自己。

掌握好「ALL DONE」後,當Holland B 十一個月大,我就教佢「PLEASE」。因為已經相關經驗,大概幾日時間Holland B就明白「動作、聲音、事件」既關係。一開始手勢都係唔正確,但同樣因為佢有回應就值得讚賞,而我亦開始引入星星餅做回饋。

依家一歲既Holland B,佢會先指住佢想要既物件(例如:搖控、風扇仔、星星餅、甚至抱抱)然後摸摸自己心口表示「PLEASE」。

而近期教佢既「MORE」,媽媽同樣以讚賞同星星餅作回饋,一日內Holland B已經理解「MORE」= 添食,並能夠主動表達自己。

以下有小小貼士:

💡捉緊每個機會
💡不停試範
💡說話+手語同步
💡每天重複
💡BB手勢未正確時,可捉手仔改正(前題BB已理解手勢語思及會回應)

而以下兩點亦需留意:

📌正確的Baby Sign Language嬰兒手語可參考網上影片或坊間手語班
📌Baby Sign Language著重嬰兒能夠理解手語意思及表達自己,以溝通為前題。家長切勿矯往過正強迫嬰兒做任何手語。

以上純個人心得分享,如有疑問請向專業人士查詢。
有興趣睇Holland B嬰語手語既影片,歡迎Follow IG。

================

前幼稚園老師,育有兩女,現為全職媽媽。2020年由香港移民到荷蘭,與荷蘭老公團聚。

大女十歲,曾於約克國際幼稚園及保良局陳守仁小學就讀。細女十個月大,以全母乳及Baby-Led weaning餵食。

雖然人在荷蘭,但心繫香港。喜愛分享育兒日常、幼稚園點滴、香港與荷蘭文化差異之處。

Facebook:Holland B – 荷靚B