【Mama心聲】BLW之路—一片粟米一條紅蘿蔔背後既辛酸

【Mama心聲】BLW之路—一片粟米一條紅蘿蔔背後既辛酸


睇張相,一定以為肥仔嘜係一個行BLW好叻既小朋友。其實呢舊粟米同紅蘿蔔背後都幾辛酸。BLW呢個名相信好多人都認識,Baby Led Weaning( 簡稱BLW)嬰兒主導斷奶的飲食方式, 簡單嚟講即係將食食物既主權交去BB手上,由BB自己用手將食物放入嘴,一個由自己幫自己進食既一種技巧。

我係二寶媽,家姐BLW行得唔好,進行BLW幾個月之後,最終都唔成功,主要原因係外來壓力同本身佢唔太願意嘗試新食物。  吸取經驗之後想呢一胎可以順利進行。 原因係我得一對手,好難同時餵兩位小朋友食飯。另外BLW又可以同父母一齊食飯, 唔洗另外煮飯仔俾佢,因為準備BLW食物多數都係蒸同烚,等小朋友可以食到食物既原味,只要將食物整到軟身,形狀容易攞上手就可以。

BLW 除咗可以幫助小朋友發展,訓練大小肌之外,亦可以培養佢哋對食物既興趣,全個進食過程由小朋友做主導,父母唔會參預。所以我都好想俾肥仔嘜試下。

進行BLW,成日會聽到有人話; 你舊食物太大啦,你啃死佢啦呀;食到周圍污糟邋遢;佢係咪唔想食;佢係咪未準備好;你咁樣餵跌晒落地呀,不如唔好食等等。。。。呢啲說話!其實作為媽咪,又點會想整親自己既小朋友又或者點會想佢食唔飽。行BLW既媽媽真係好需要一份堅持同勇氣,當全世界嘅人都唔明白你既時候,為咗小朋友,你都會硬住頭皮去嘗試同執行。

=====================

我叫Mandy, 是一位80後全職媽媽和blogger, 育有兩位寶貝(禧禧同熙熙)。

感恩能夠成為全職媽媽,可以見證及陪伴小朋友成長並透過日誌記錄禧&熙既生活點滴。喜歡鑽研烹飪,為小朋友煮岀有營食物,享受湊b生活並喜歡吃喝玩樂,行街及扮靚。

FB:禧。熙。之生活點滴