準媽媽知咗先冇壞!初生BB睡眠大解構!

準媽媽知咗先冇壞!初生BB睡眠大解構!


BB啱啱出世,好多時都未習慣離開咗母體嘅光亮環境,加上喺媽媽肚入面八至九成嘅時間都係睡眠狀況,所以一出世嘅頭三個月就係佢哋嘅適應期!咁呢三個月有咩事項要注意?點先可以令佢自主入睡一覺瞓天光?以下小編陪你齊齊學!

初生BB 0-3Month睡眠慣況

1.睡眠時間較長:初生BB全日大概18至20個鐘都係喺睡眠狀態。

2. 睡眠容易斷斷續續:初生BB好容易就會醒,但相對都好易再入睡。

3. 無晝夜之分:因為胎兒喺媽媽嘅肚入面嘅時候,九個月都係喺暗暗嘅環境內成長,所以佢啱啱出世,其實冇咁快會適應到大人嘅生活同世界。


用防踢被睡袍,恆溫一覺瞓天光!
Homey8 睡袍禮盒 >>按此購買


1.增加BB朝早清醒時間

日頭嘅時候,媽咪可以設定喺朝早七點至是八點,大人起身嘅時候,就先叫醒BB!當成係佢每日嘅第一餐,固定先俾佢食飽奶之後,再開始陪佢玩!譬如話俾佢睇黑白視覺卡,或者係唱歌播歌俾佢聽,過程中可以盡量營造環境光啲、嘈吵啲,等BB增加清醒嘅時間!每次規律咁四個鐘,做食、玩、瞓嘅動作,消耗多啲寶寶嘅體力,咁佢就會比較集中喺夜晚睡眠時間瞓得冧啲啦!

2.確立既定嘅睡眠儀式

建議媽咪可以喺夜晚睡前做啲固定嘅睡眠儀式,就好似先幫BB沖一個舒服嘅溫水涼,或者幫佢全身按摩,放鬆肌肉!甚至可以再俾佢食飽啲,然後將燈調暗,播放一啲比較柔和嘅音樂。記得要喺BB仲未瞓著嘅時候,放返BB落小床,俾寶寶習慣喺自己嘅床上面瞓覺!

3.同房不同床

通常媽咪因為要母乳哺餵,所以可能經常將BB放喺自己旁邊,但咁樣嘅時間耐咗或會影響寶寶容易醒瞓,只要大人一個轉身,就將寶寶嘈醒!另外同床瞓對BB嚟講都非常危險,所以建議新手爸爸媽媽可以同房不同床,咁樣大人定BB都會比較好瞓!


絲綢般幼滑觸感,適合嬰兒肌膚使用!
Baby Ginger太空冒險嬰兒包巾 >>按此購買


BB唔抱住唔肯瞓點算?

抱睡都係其中非常困擾媽媽嘅問題,因為BB好多時一放落床就喊,抱一日天對媽媽嚟講當然好攰啦!要留意嘅係抱睡都帶有危險性嘅,若媽媽過度疲累瞓著咗嘅話,BB好容易就會喺媽咪懷中跌落床!建議媽媽們朝早可以多抱著寶寶,多同佢講話或多互動以滿足佢,咁樣夜晚先會比較冇咁需要媽咪抱住佢!

夜晚BB瞓唔冧可以點做?

建議環境唔好太凍或太熱為佳,都唔好幫BB著太多層衣物,否則太熱嘅話BB都會瞓得冇咁冧!另一方面,因為啱啱出世嘅BB會有驚嚇反射嘅動作,所以夜晚有時會瞓下又驚醒。呢個情況建議媽咪可以用包巾包實BB,減少佢嘅反射幅度,等BB瞓得好啲!


100%綿—日本皮膚炎協會推薦物之一,BB肌膚都唔怕敏感!
Homey 8 Smile cotton 睡袍 >>按此購買


幾時可以一覺瞓到天光?

三個月以上大嘅BB,因為生理作息越來越成熟,所以大部份喺六個月前,都可以開始一覺瞓到天光!對媽媽嚟講,都大大減輕咗生理負擔。建議媽咪盡量可以俾寶寶喺半夜時份維持10至12個鐘嘅睡眠,咁樣相對會有利於BB成長及發育呀!

點訓練BB瞓過夜?

BB喺1至2個月大打後,生理作息比較穩定,都可以一次瞓比較長時間,所以佢熟睡嘅比例都會增高。建議盡量四個鐘規律咁餵食寶寶,唔好俾佢日照時間一次瞓太長時間。睡前建議進行比較安靜嘅活動,唔好同BB玩得太激烈,等寶寶習慣固定嘅作息,佢就會慢慢明白呢個就係睡眠時間啦!謹記夜晚個餐盡量俾佢食飽啲,換好尿片、掃完奶風之後,要喺BB仲未瞓著之前放佢到床上面。建議半夜要用品質比較好尿片,咁阿B先唔會因為尿濕導致身體不適而醒㗎!


一件兩用衣物,可作連身衣或睡袋使用!
Baby Ginger積木小象二合一連身衣睡袋 >>按此購買


Text:ilovemama Editorial