【24m+ 小童食譜】士多啤梨雪糕

【24m+ 小童食譜】士多啤梨雪糕


士多啤梨雪糕 (24M+)

材料:
士多啤梨 350g
糖 15g
煉奶 60g
淡忌廉 190g

做法:
1. 先將淡忌廉倒入一個可以打發既容器,放入雪櫃最少30分鐘,令容器同淡忌廉一樣保持冷凍
2. 將士多啤梨洗淨切頭切小粒
3. 將士多啤梨放入煲,加糖,用中大火煮滾,轉細火煮至杰身。過程約20分鐘,其間會有一些白色泡沫浮面,需要滭走。煮至杰身,滭起會慢慢滴落嚟嘅程度便可以熄火
4. 先滭起約1/4果醬留喺最後飾面用。然後將煉奶倒入剩餘既3/4士多啤梨醬入面拌勻,放涼 (可以坐凍水放涼)
5. 用高速打發忌廉至岀現紋路 (約7成),分幾次加入已放涼既士多啤梨和煉奶醬,用中速拌勻。如室温熱可以將忌廉坐冷水攪拌。
6. 倒入容器,面頭再倒上之前預留既1/4果醬,用刀/筷子隨意攪幾下,做成雲石紋效果
7. 放入冰箱雪至少6小時便可享用

*從冰箱拿岀來會比較硬,可以休息15分鐘再吃。
*如果唔鍾意一粒粒既士多啤梨口感,可以在煮前用攪拌器打爛再煮。
*如果唔鍾意雪糕有夾雜果醬既感覺,可以將全部士多啤梨果醬和忌廉拌勻,不用做飾面。

==================

dutchB_pro

喺香港土生土長既港女遇上了喺荷蘭土生土長既港男,多左個荷b仔黎到我地既世界。一向工作至上既媽媽毅然辭職全職湊B,為左呢個為食豬要努力準備好一日幾餐,務求喺香港定荷蘭都可以滿足大少既食慾!<我家有個荷b仔>記錄了荷b仔既BB食譜同生活點滴,亦樂於同大家分享育兒心得!
FB:我家有個荷b仔