【將心意送俾你】6+款DIY手作聖誕卡合集

【將心意送俾你】6+款DIY手作聖誕卡合集


嚟到聖誕節,當然要寫返張聖誕卡俾身邊嘅人,將心意同祝福傳遞俾佢哋啦!趁住仲有一個星期多啲,以防趕唔切,係時候要動手整啦!小編搜羅咗6+款DIY聖誕卡整咗個合集,各有特色,小朋友都可以一齊整㗎!即刻去睇吓有邊款啱心水啦~

3款好玩、可大量生產聖誕卡

小編都知道時間緊逼,如果一下子要整好多張聖誕卡(例如:要整俾小朋友啲同班同學)逐張逐張畫都唔係辦法!呢位媽媽就諗咗好多有趣嘅idea,可以有趣又快速地整好多張聖誕卡之餘,仲張張都唔同款,獨一無二!好值得參考㗎!

⭐影片中製作方法示範!

水彩風空心聖誕卡

發揮小朋友藝術天份嘅時候到啦!隨意喺畫紙上面油上顏色,然後喺卡面剪出唔同圖案嘅剪影,發揮創意啦~

手指印雪人聖誕卡

小朋友年紀比較細?唔緊要!呢個用手指公就可以完成嘅聖誕卡,佢一定可以完成到㗎!用手指印印印,再畫個可愛嘅笑容,就係雪人啦~

授權:E哥與滴滴在彎曲

熱融膠槍聖誕卡

用熱融膠槍整立體聖誕樹,夠晒特別!

⭐影片中有製作過程!

紙巾聖誕卡

用屋企一定有嘅廚房紙就可以製作而成!效果仲好夢幻~

⭐影片中有製作教學!

2款摺疊空心聖誕卡

型格又有Style嘅聖誕卡!用唔同拼拼疊疊嘅方法就會有唔同嘅效果!

⭐影片中有詳細教學!

仲有其他DIY聖誕卡嘅idea?歡迎喺FB / IG DM我哋啦~

內容授權: sharewithjoys & learning_in_d & E哥與滴滴在彎曲 & happyrainboots