【超值得Follow!】10個優質本地手作媽媽推薦!

【超值得Follow!】10個優質本地手作媽媽推薦!


小編平時睇唔少外國媽媽啲手作教學👀,經常會俾佢哋啲idea震撼😧,整得靚之餘又有創意💫!但其實唔淨止隔籬飯香嘅💁🏻‍♀️,香港🇭🇰都有好多好專業嘅手作媽媽㗎👑!

今次就為大家搜羅咗10位,佢哋各有特色⭐,一啲就專攻 #感官遊戲 👁️🤚🏻,有啲就擅長用廢物製作小玩具同藝術作品♻️,更有媽媽會加入STEM🔬嘅元素喺啲小手作𠻹😳!Follow佢哋真係可以獲得唔少靈感㗎🧠💡!

1)littlecitytales

介紹
一名專業的藝術策劃人,熱誠的手作愛好者,三名小朋友的媽媽。喜歡循環再用屋裡能找到的物料,將廢物轉化成為魔法般的DIY小玩意!

心得分享
我很喜歡做手作,是因為它能夠提供我們一段相處的時間,又能啟發小朋友的創意。我的小朋友漸漸變得喜歡實驗,比起買新的玩具,更喜歡用簡單的材料去創造事物。我特別喜歡他們用自己的想像力製造玩具及遊戲。

2)little.nanaland

介紹
用 IG去記錄每一個在家親子活動
由手作圖工至男孩子喜歡嘅 STEM

心得分享
小朋友眼中呢啲都係媽媽手中變出嘅魔法
令疫情下嘅鬥獸困日子變得更有意義!

3)play_with_abby

介紹
我是一個熱愛寓學習於娛樂的雙職媽媽,希望可以透過有趣的活動和外觀討好的手作增加女兒的學習興趣。

心得分享
因為女兒是好動型,不喜歡死板的閱讀模式,所以我會針對女兒的喜好和程度去設計不同的活動,而且讓女兒參與設計和製作的部份,令整個過程更有趣味。

4)fish_for_momo

介紹
大家好,我是momo媽媽,從事幼兒教育工作逾十年,持幼兒教育榮譽學士,副修藝術、特殊幼兒教育及兒童戲劇等課程。現副職Playgroup導師

心得分享
多與孩子觀察和探索身邊事物,留意孩子的喜好,配合他的日常生活經驗,好好將廢物重用,只要花點心思和創意,就能和孩子共同愉快地遊戲學習。

5)learning_in_d

介紹
全職媽媽,育有兩個小朋友,大仔4歲半 ,細女2歲,記錄並分享我們遊戲中學習的日誌。因為疫情關係, 踏上兼職教師之路, 因而接觸到不同教學既理念。

心得分享
一向我們對孩子的學習偏重看書,讀認字卡及做練習。但原來「玩耍」是幼童學習同發展重要的一環。於是,我開始因著兩位小朋友的學習階段及興趣,而設計不同遊戲及小手工,發掘不同類型的「open-ended toys 」(如積木,動物模型玩具, 磁力片等)讓小朋友可以享受學習。

6)chloejasperplay

介紹
上年因為疫情關係無得去街,要諗野做喺屋企kill time ,所以開始同女女做勞作。

心得分享
由簡單做起,發覺佢好有興趣,可以專注做好耐,漸漸發現親子勞作可以訓練小朋友專注力,聽指令跟住每個步驟做,當中一啲步驟又可以鍛鍊小手肌,小朋友見到自己有份參與既製成品好有滿足感,可以增進親子關係。我每次預備勞作材料,女女都會好期待,對佢嚟講,每次勞作活動就好似拆禮物一樣咁驚喜,我哋屋企有個art corner貼起作品,每逢大節日又會做一系列既作品裝飾家居,培養小朋友嘅儀式感。年紀細啲嘅弟弟對sensory play感官遊戲比較有興趣,但都會比佢參與家姐勞作嘅某啲steps,希望佢會透過觀察學習家姐,培養美術既興趣。

我覺得要呢個親子興趣延續落去,媽媽嘅身教都好重要。媽媽本身對美同細節有要求,小朋友係會感覺到、學習到,佢哋某程度上都會想模仿媽媽。我自己會喺做每個勞作嘅前一晚,預先準備好材料,自己諗一次每一個steps應該點做,再去教小朋友,過程順暢啲又做到預期的效果,小朋友會更有信心,從而培養興趣。勞作的難度要因應返小朋友嘅程度,唔好做啲難度太高、太複雜的,盡量放手比佢哋試,佢哋參與度高,自己會增加自信心覺得自己都做到喎,過程中比多啲鼓勵佢地,無論出來效果靚唔靚,都係一個學習既過程。

7)sharewithjoys

介紹
在思媽媽 – 由財經主播枱,跳到家中朝桁晚拆的手作枱,同樣要一眼關七,心態卻截然不同。不再追求快靚正,反而重視過程中的有趣交流。

心得分享
很喜歡一個說法 -「小孩的畫不是用來看,而是用來聽的。」作為女兒玩伴,我多數在旁聆聽女兒如何「玩」,由她主導節奏,也就像當記者時,會留意受訪者的表情動靜,留意甚麼問題會牽動對方情緒。對於我,最大的滿足感不是手作製成品,而是女兒「學有所成」,會反過來自製玩具給我,告訴我「整唔到都唔緊要啦,我會陪你一齊做㗎。」

8)momnotsleep

介紹
廣告人/ 媽媽/ #童你認色全香港 始創人
本住#有覺唔訓可能係練返嚟 嘅忠旨,無嘢做唔到嘅精神,開設 instagram記錄和仔仔遊戲中學習嘅點滴,分享親子趣聞。創立 #童你認色全香港,鼓勵小朋友探索,用眼睛發掘世界不同嘅顏色!

心得分享
由兒子歲半開始,便以每個月為一個主題,作相應嘅小手作。例如今個月主題為Nature,手作以大自然為主,同時亦會到郊區或者農莊同佢親身感受。到下個月主題為Rainbow,我就設計咗一個colour finder,等佢可以從遊戲中學習顏色。
因為我深信,要學習或者對一件事情有興趣,係要靠累積同重複,當身邊圍繞着相應嘅主題,小朋友更易產生好奇和興趣。

而Play based learning好重要,從遊戲中學習,將較為抽象的概念生活化,讓大小朋友從生活中學習細心觀察身邊的事物。戶外探索都需要,將手作帶到郊外,有新鮮感之餘,遊戲會變得更加有趣。

當中對媽媽和小朋友最值得留意嘅係,唔係每樣手作小朋友都會喜歡,可能媽媽出左一大副心機,整色整水,以為小朋友好鍾意玩,但到最後理想與現實不相符-小朋友冇興趣之餘又搗蛋。媽媽係好失望(👋🏼係我),但看開一點,就當係了解佢多咗,自己唔使太介意,最主要都係小朋友鍾意和開心,咪下次再整其他嘢囉!

好好享受每個親子手作時刻!

9)happyrainboots

介紹
剛退下老師身份,成為全職媽媽半年,分享與兩歲孩子玩樂點滴與教養心得。

心得分享
看到被教育制度打壓的孩子就心疼,相信6歲以下孩子全人投入玩(用齊眼、耳、口、鼻、手)便是最好的學習方式。疫情期間,開始嘗試在家進行蒙特梭利教育,越試越發現其博大精深,努力學習與實踐中。自己喜歡漂亮手作,兒子喜歡自由創作,努力尋找平衡點讓他可以享受自由,我可以欣賞漂亮。

10)sakura.fuchiko

介紹
我是全職媽媽Vivienne。我喜歡用花草植物和簡單材料設計遊戲,讓3歲女兒在主題式的遊戲中體驗學習。

心得分享
縱然留在家,也希望能透過觸感,拉近與大自然的距離。「花緣子遊戲花園」記錄了我們的一點一滴,還可以與志同道合的媽媽交流呢~