【HolidayMama】歐洲最大嘅市政府公園!一望無際嘅大草地!遊樂設施+小農場

【HolidayMama】歐洲最大嘅市政府公園!一望無際嘅大草地!遊樂設施+小農場


#曼徹斯特親子遊

天氣愈來愈凍,見太陽嘅時間愈來愈少。上星期周末難得有好陽光🌞,搵個戶外地方玩下。

上 Google map 打「park」,發現市內有唔少大公園。見 Heaton Park 近近地,搭巴士好快到🚍,就去呢度啦~。

Heaton Park 係歐洲最大嘅市政府公園,真係超級大,大到我都唔知可以點形容😅,附有哥爾夫球場。公園有好多個入口,我哋睇住地圖,揀咗個最近巴士站嘅入口 (Gate 3) 落車。一入去,感覺好似以前喺香港行山咁,高樹🌲、大草地,一望無際。宜家唔洗行上山,都可以隨時見到呢 d 靚景,賞心悅目🥰,仲有唔少松鼠走黎走去。

除咗周圍都係樹同草地之外,亦有小朋友遊樂設施、小農場🐖🐎🐏🐤🦆、可以坐船仔嘅湖、多間小食店。行咗一段時間,太凍,可以入小食店暖下個人。呢度嘅洗手間都算乾淨,帶小朋友黎都好方便。

我哋 1pm 到達公園,4pm 離開,都行唔晒整個公園呀。公園對面有 Sainsburys 超市🛒,行完公園,過去買埋餸,啱晒!

=====================

前空姐,三寶媽,三位小朋友分別。。藍哥,璦妹,細佬礥

Facebook:Nana 媽媽 × 藍哥。璦妹。礥弟