【HolidayMama】2日1夜生態之旅 去香港世外桃源探索大自然!

【HolidayMama】2日1夜生態之旅 去香港世外桃源探索大自然!


沙灘X馬灣美景X大自然X火箭遊樂場X珍愛地球館X室內遊戲空間X自助火鍋晚餐X方舟酒店

帶小朋友出走一下~繼續從玩樂中學習!

香港僅餘嘅世外桃源,空氣清新、環境優美寧靜舒適,放鬆心情嘅好地方!超推介比大家,減壓充電後再繼續加油!

本身以為無咩嘢做,諗住可以hea下hea下,點知都好多野玩!2日1夜都唔係好夠,呀仔玩到唔捨得走⋯話好鍾意呢度!

原來衣家搭車去馬灣好方便!係9月開始旺角新世紀設有挪亞方舟專線,20分鐘直達!來回車費只需$38,超爽呀!

喺一樓客務中心購票後,向前直行轉左就係上車

詳情睇返:方舟專線班次及售票處

旅遊巴好舒適,話咁快就落車

行返去前邊酒店入口,我哋大約12點左右到達~

我哋今次join嘅「馬灣生態之旅住宿餐飲套票」,已包括一晚住宿、自助午餐、自助晚餐、第二日嘅自助早餐、馬灣生態導覽團、方舟專線來回接送!

*一日三餐安排晒!所以去到又玩又食就得啦!

酒店房三點先check-in,所以先到豐盛閣食迷你自助午餐~午餐開放時間12:00-15:00

已經有聖誕裝飾啦!好有氣氛~

座位闊落舒適,仲望到大橋靚景!一路欣賞美景一路食嘢確係唔同啲!心情輕鬆~

迷你自助午餐,食物選擇唔算多,一般飯、意粉、小食、沙律、甜品、水果、餐湯等,不過味道都唔差嘅!啊仔自己食咗一大碟意粉同一塊豬扒!好開心呀!

食飽飽啦!未夠鐘check-in~所以出去沙灘玩一陣先~今日天氣真係好好!陣陣微風~聽住海浪聲~超級舒適!呢一刻拋開一切,洗條心靈好地方!

當日係星期六,但係沙灘只有很少人呢⋯

這裡非常寧靜~水清沙幼,非常適合帶小朋友來玩樂!

跟住到3樓接待處拎房,大堂仲有遊戲設施可以租用

我哋入住嘅係豪華大床客房,

空間感不錯,都幾闊落~

洗手間有浴缸!方便有小朋友嘅家庭!

最正嘅係出邊有個大嘅戶外活動空間!

小朋友跑下玩下放下電~超正!

呢度有相連房,露台仲可以同隔離房連接!如果一大班親戚朋友來玩,一定又熱鬧又開心!

除咗一張大床,仲有一張沙發床!

實在太好!小朋友可以自己訓~

跟住帶小朋友繼續去放電!先落去LG樓層~

見到聖誕雪人要打下卡先!靚呀!

寶貝號~免費玩樂空間!

適合幼兒玩樂的地方~有小屋滑梯、巨型積木、小廚房、小推車等⋯

係寶貝號外面,仲有一個巨型懷舊遊戲競技場!都係免費任玩嘅!

除咗豐盛閣,呢度仲有一間餐廳「挪亞廚莊」可以選擇~

跟住上2樓,參觀免費嘅「珍愛地球館」,隔離有一個「夢想星球館」,不過就需要購買挪亞方舟門票入場啦~

原來「珍愛地球館」有好多野玩!設有好多種不同嘅展覽館,入面有好多兒童小遊樂設施,真係玩樂中學習啊!

仲有角色扮演!小郵差好可愛啊~

如果要慢慢玩晒呢個館起碼要2至3小時!我哋快走都用咗1小時~因為入邊好多小朋友野玩,啊仔都唔捨得走,哈哈!

跟住到G樓層,出戶外走走~直行有新發現!

嘩!發現得太遲了!原來有個小朋友見到會發瘋嘅火箭公園呀!

就係歷奇基地隔離,叫「躍動天地」嘅太空方舟

喜歡攀爬嘅小朋友一定好鍾意!需要好多體力玩啊~

隔離有個細啲嘅遊樂場,幼兒都啱玩啦~

可以扮坐船玩~

而遊樂場就喺橋底下面,真係可以遮風擋雨啊~
仲設有洗手間,好方便~

留意公園設施開放時間:10:30am-5:30pm

我哋五點先發現,玩左半個鐘咋~

小朋友梗係唔夠喉啦,所以第二日我哋再來玩左一陣先走~

我哋喺右下角,有歷奇基地玩繩索同埋有球場,仲有我哋玩緊嘅太空方舟遊樂場~

另外仲有一邊好多嘢玩㗎!好大啊~

返上房休息一陣,就到豐盛閣食火鍋自助晚餐!

呢度夜景都好靚呀~

有小朋友最愛嘅甜品零食區⋯

同埋媽媽最愛嘅甜品蛋糕區!哈哈

未食主餐就掛住睇甜品,款式選擇都好多啊!睇到流晒口水!

有新鮮刺身魚生、雜錦魚生飯

打邊爐食材都好多選擇!有麵、烏冬、新鮮蔬菜、菇類、響鈴生根、丸類等!推介魚皮餃好食!

雪花肥牛、鮮雞、魚片、豬肉、三文魚頭腩⋯⋯

仲有海鮮!隻蟹超甜呀,有鮮蝦、生蠔、青口等

前菜選擇都好多!自助日式冷麵、各式芝士、沙律、冷盤等

醬料都好多選擇

限定嘅疏乎厘,正!

仲有雪糕、涼茶、果汁任飲任食!超級滿足呀~

超正~望住咁靚嘅夜景食打邊爐真係第一次!

食物款式種類多,海鮮又新鮮!食到飽飽啊!

自助晚餐開放時間:18:15-21:30

返房沖涼玩水~超級愉快嘅一日!

第二朝再到豐盛閣食早餐,有麵包、沙律、雞蛋火腿、長通粉、牛奶麥皮、粟米片、白粥、水果等⋯

老公好貼心自製左雞蛋火腿三文治俾我~

食飽飽出去散散步~聽住雀仔叫聲,心情舒暢!

退房之後就參加10:30嘅馬灣生態之旅導覽團

跟住導覽到哥哥姐姐一齊去探險啦!

馬灣東灣:喺潮退嘅石頭上面發現咗海葵同石鱉

成日喺沙灘上面見到嘅小窿,係鬼蟹掘出嚟㗎!

因為佢哋速度極快!神出鬼沒,我好難得影到佢哋掘沙嘅一刻呢!

仲有寄居蟹!同埋嗰種小蟹~

小朋友第一次接觸,非常專心睇到眼定定!

跟住入去馬灣公園繼續探險!

行吓山!人都精神D啊~

大家見唔見到樹上邊有一點點白色嘅嘢?導賞員話呢種菌類喺空氣超級清新嘅地方先會有!

嘩!好似蜜糖水晶!係咩嚟㗎?

原來樹受傷左,會自己分泌出一啲樹汁,幫助修復傷口架!

上面個棵係油甘子樹呀!平時用來做枕頭嘅樹葉就係呢啲~佢嘅果實仲有多種食用功效㗎!

行去紅樹林途中,仲發現咗咕咕鳥!哈哈

佢個名叫做「珠頸斑鳩」,因為發出咕咕咕叫聲,所以叫佢做咕咕鳥~

跟住嚟到馬灣舊漁村紅樹林

係粗腿綠眼招潮蟹同埋清白招潮蟹,佢哋不斷用蟹鉗攻擊對方,好似打緊交?

不過今天冇運氣見唔到彈塗魚~

最後認識埋叫做「水筆仔」嘅植物,一條條好似支筆咁好得意呀!

香港人嘅後花園!環境非常美麗!

親親大自然,帶小朋友接觸更多認識更多!從玩樂中學習同時放鬆心情減壓好地方!非常推介一家大細啊~超級親子好去處~

馬灣、挪亞方舟仲有好多嘢玩㗎~

兩日一夜都玩唔晒~有機會一定再嚟過玩!

我哋直接係官網訂房,包食包住包接送!非常方便~快啲帶小朋友出走兩日一夜啦~

活動資訊

挪亞方舟
地址:香港新界馬灣珀欣路33號
開放時間:
上午10:00 至 下午6:00
(挪亞方舟度假酒店24小時運作)
(豐盛閣餐廳開放時間:上午10:00至下午9:30)
(大自然公園開放時間:上午8:00至下午6:00)

以下是部份展館的最後入場時間:
太陽館 – 下午5:00
大自然公園 – 下午5:00
方舟博覽館 – 下午5:15
珍愛地球館 – 下午5:45
方舟花園 – 下午5:45

挪亞方舟官網
挪亞方舟Facebook

==================

Hello~我係初初,懷孕時已辭去工作,轉做全職媽媽,仔仔出世後開始分享親子好去處,幼兒食譜及我的扮靚減肥心得。

Facebook:初初我要做靚媽