【生產日記】仁安醫院生B—Part2

【生產日記】仁安醫院生B—Part2


上次講到入院安頓好, 就等第二朝開刀.. (唔一定要過夜瞓, 如果係中午生, 可以上午先入院)

Image may contain: 1 person, smiling

一早起伸, 趙c9 立即🛁沖個涼, 洗個頭💆🏻, 因為坐月最好成個月都唔好洗頭😭 沖完涼, 換好手術衫就等出發迎接趙bb 喇🤭

手術係點就唔講喇, 但因為趙c9 身體有變, 由半麻醉要轉為全麻醉 (趙c9 一直都好唔開心, 因為自己唔爭氣, 令到趙生無得睇住趙bb 出世😭)

講番手術, 值得一讚係醫院會一直提供暖氣管俾我抱住, 因為手術室好凍, 而落左麻醉藥個人又會更凍好又震架😖 (趙c9 喺其他醫院做過手術係由我震既, 好可憐😅)

因為開刀要第二日先落得床,上番房後, 就係休息休息, 護士會定時嚟換衛生巾, 問侯一下狀況.. 但第一日奶餵唔到, 而我都無見過趙bb😭 只可以睇到醫生影既相同趙生去到既親子時間😏

No photo description available.

😍講番大家都想知既親子時間同餵哺時間先
👨‍👩‍👧親子時間👨‍👩‍👧
醫院每日有3⃣節親子時間, 每節1⃣5⃣分鐘, 但只限父母參與👫 呢個時間就係俾爸爸媽媽同 bb 溝通下, 影下相, 抱下咁, 雖然時間唔長, 但大家都會好期待, 因為頭幾日嘛😅 (返到屋企你就知😏), 如果媽媽真係未落得床, 爸爸只要帶身份證去都可以一個人入去既😅

Image may contain: one or more people, people sleeping, baby and closeup

🍼餵哺時間🍼
媽媽最期待既時間🥰 每日有 6⃣ 個時段, 媽媽可以選擇到哺乳房親自餵哺 (不論母乳抑或奶粉), 而醫院都鼓勵餵哺母乳, 但同時都可以選擇只餵奶粉😅 護士非常有耐性去教導媽媽點樣親餵🤱🏻 如果有需要, 亦都會教媽媽點擠奶, 揼奶🤭 (趙bb 係一個唔願意親啜既bb, 但趙c9 又有谷奶既情況, 好彩有護士教趙c9 擠奶, 咁樣趙bb 先有最珍貴既黃金初乳飲ja😭)

Image may contain: 1 person

另外, 觀望嬰兒時間, 嬰兒沐浴示範, 產後運動等, 大家都可以跟番醫院個時間表就得架喇👍🏻

Image may contain: one or more people and indoor

💡順帶一提, 醫院會為即將出院既媽媽舉行一個小講座 (通常都係出院前一晚舉行), 講座會派番bb 既針咭, bb 既相關資料, 健康院資料等.. .. 仲有一袋小禮物🎁 送俾bb 添🥰 大家可以預定出院前一晚既時間丫, 爸爸都去就最好丫👫

No photo description available.

下篇講下出院☺

==========================

最鍾意出街搵新野試食, 又鍾意煮下飯仔, 見到每次有人清晒, 食到好滿足, 好開心係我最高興, 都係我煮飯既最大動力..

FB:趙c9廚房 Chiu’s Kitchen