共十幾個區域：有兔仔旋風轉盤🎡、飛天韆鞦🎠、波浪滑梯、小火車🚆、釣魚池🎣等等！有媽媽報料💭，同囡囡發現新蒲點😜😛！買全日票一個小朋友包一位成人入場👫，當日無限次出入🔁，玩足十幾個區域😈！等小朋友瘋狂放電👻，媽媽仲話囡囡樣樣設施都好鍾意玩！玩到餓去咗附近餐廳食嘢小休一下🍴，食完再玩過🤣！

今日爸爸媽媽陪芊芊瘋狂放電，因為買全日票覺得平d又可以唔洗限時間玩！我諗佢爸爸咁大個人今日係玩得最多sir滑梯，旋轉嗰條sir滑梯我同佢一齊玩覺得有d離心力，我係咪已經老啦少少野都覺得有啲刺激

我覺得啲設施都好啱芊芊玩，手動咖啡杯、手動飛天千秋～爸爸同佢玩就岩！無停過不停同佢玩 時間真係過得好快，玩左兩個鐘之後我地去嘆個下午茶再返去玩
～

芊芊好開心樣樣都玩！除左沙池因爲要另購票，佢真係完完全全放電 滿足的一天，睇落似包場咁。其實都有人既但唔多，玩左三個鐘其實佢都唔想走想繼續玩，見佢咁開心咁鐘意下次再帶佢去過啦！下次去約埋表姐、表弟一齊去瘋狂放電！

【活動資訊】

Play Easy 輕鬆玩

地點：新界沙田石門安群街1號京瑞廣場2期1樓102A1及102B4

營業時間：星期一至日、上午10時半至下午8時半

官網：https://bit.ly/3lDaqo3

===============================================

記錄芊芊的成長日常趣事
嬰幼兒食譜/玩樂/好物分享等
Facebook page: 芊芊成長日記