【王牌茶點】無糖無糯米粉 – 南瓜芝士餅

【王牌茶點】無糖無糯米粉 – 南瓜芝士餅


今日整比芊芊下午茶係🎃🧀南瓜芝士餅
呢個真係勁勁勁好食🥰
整左4塊 我試食左一塊就有d想自己食曬佢😅
我食兩塊 佢食兩塊🥰🥰
好易整又快又好食👍🏻我要再整黎食呀🤣🤣🤣
整左咁多款茶點比芊芊食
呢款南瓜芝士餅係我覺得目前排第一最好食

你地整最好整多幾塊如果唔係媽媽唔夠食😆

❌無糖❌無用糯米粉

南瓜芝士餅(大約5塊)

材料:
南瓜 100g
低筋麵粉 60-80g
芝士一片

做法:
先幾南瓜凍水落鑊蒸熟(蒸完如果有水就倒咗啲水)
然後壓成南瓜蓉
加入低筋麵粉分幾次落,攪拌均勻(如果好黏嘅話就要再加麵粉)

南瓜蓉加完麵粉都係有少少會黏
所以喺手掌放啲麵粉防粘手

放喺手掌心壓扁 放入芝士然後包返住

整成扁圓形 就可以平底鑊刷油
煎完一邊反轉另一邊再煎,重複煎幾次熟咗就完成
(入面有芝士所以攤凍啲先俾小朋友食)

=====================

記錄芊芊的成長日常趣事
嬰幼兒食譜/玩樂/好物分享等
Facebook page: 芊芊成長日記