【HolidayMama】亞馬遜森林大歷險!小小機師x遙控越野攀爬車x恐龍主題房

【HolidayMama】亞馬遜森林大歷險!小小機師x遙控越野攀爬車x恐龍主題房


暑假就快開始啦!今年仲未飛得,留喺香港都可以嚟個「僞旅行」!挪亞方舟喺7月17日至8月29日期間 (逢星期六及日) 舉行集玩樂、教育及刺激於一身嘅「夏日森動大歷險」,一連串活動帶大家遠走亞馬遜森林及恐龍基地等!仲有全新打造嘅「恐龍歷險世界」主題房,恐龍迷小朋友絕對唔可以錯過!每張飛會包埋旅遊攻略一本(包括10張遊戲券),可以用嚟玩部分自選活動!

全港首創室内遙控越野攀爬車大冒險

抵達旅程目的地亞馬遜森林之後,大小朋友可一嚐全港首創嘅「室内遙控越野攀爬車大冒險」,喺模擬亞馬遜自然地勢嘅場景裏不斷探險,以越野攀爬車穿越滿佈泥濘凹凸不平嘅石路、陡峭嘅斜坡、危機四伏嘅深坑同驚心動魄飛越木棧橋,喺限時內克服各種挑戰完成探險之旅!

所需遊戲券:4張
適合5歲或以上之人士

飛凡小機師訓練營

小朋友變身為小小飛機師,著上整齊制服喺模擬駕駛艙場景入面,兩手控制住模擬駕駛器,一嚐爲飛機師翱翔天際嘅滋味!除了學習飛行知識,工作人員亦會在場講解亞馬遜擁有全球最大同物種最多嘅熱帶雨林,喚醒小朋友守護「地球之肺」嘅心!每位參加者更會獲得登機證,象徵正式踏上呢次僞旅行!

每位參加者會獲得登機證

所需遊戲券:5張
適合5至11歲之小童
備有主題服飾可供穿著,尺碼選擇有限,以現場安排為準。

恐龍足跡大發現

究竟史前動物恐龍係咩樣?透過互動觸控屏幕同趣味遊戲,俾小朋友認識到唔同恐龍種類同形態,掀開恐龍嘅神秘面紗。可以利用互動觸控屏撥開沙粒,發掘恐龍化石同了解恐龍嘅身體構造!恐龍迷一定會鍾意!

巨型互動遊戲屏幕

動物生態大奇觀

走入動物世界,除咗可以近觀珍奇異鳥同各種爬蟲類動物如托哥大嘴鳥、愛情鳥及變色龍外,仲可以參加導賞活動,由動物飼養員或者專業導賞員深入淺出,講解各瀕危動物嘅生態習性,仲有機會近距離觀察輻射龜、睫角守宮(壁虎類)等爬蟲類動物,仲有玳瑁、動物皮等標本,提升小朋友保育意識。

萌趣動物騎騎樂

各位小小探險家可輕鬆一下,騎上Q版動物電動車,穿梭於森林之間來個開心大暢遊,享受馳騁之樂。

所需遊戲券:2張
只適合小童參加
身高110厘米或以下之小童須由家長/監護人陪同
每輛車最多可載一位小童及其1位家長/監護人
總乘載量不得超過250磅

森林民族手織坊

變身小文青,運用編織機同工具,創作專屬嘅民族風杯墊!

所需遊戲券:3張
適合5歲或以上之人士

空中奇遇索道

期間限定嘅歷奇活動,俾大人同小朋友體驗凌空於樹叢中穿梭嘅快感,睇靚景兼鍛鍊膽量!

另須收費50港元現金;
只適合7歲或以上及身高110厘米或以上之人士。參加者必須穿著運動褲及運動鞋
每位參加者只可玩一次。

*每位門票持有人可獲旅遊攻略乙本(包括10張遊戲券),適用於參加上述部份自選活動

放電刺激玩樂體驗

除咗以上特色活動,園區仲有好多放電設施!「童趣飛馳樂」俾小朋友一嘗動感挑戰,踩住高卡車或單車馳騁綠意環境之中,享受自駕遊車河嘅樂趣。打卡勝地「e-Planet夢想星球」為全港首個以大自然為主題嘅光影互動展館,劃分成森林、海洋、四季同未來城市四個展區,俾大眾與動態萬千嘅大自然美景互動時,亦感受珍惜環境嘅重要!

童趣飛馳樂
e-Planet夢想星球

恐龍歷險世界酒店奇趣主題房

為咗延續森林探險之旅嘅驚喜,挪亞方舟度假酒店於今個夏天推出全新「恐龍歷險世界」主題房!房間内滿佈各種恐龍嘅蹤影,例如暴龍、大椎龍及三角龍,亦掛上樹葉裝飾,小朋友可以與恐龍同樂同眠!

恐龍歷險世界住宿套票價錢由HK$1618起(如2人入住),包括早餐、晚餐、啤啤熊之友製作室及童趣飛馳樂等活動

詳情可瀏覽酒店網站: https://bit.ly/3e7nksy
或致電 3411 8823查詢

挪亞方舟「夏日森動大歷險」活動詳情

活動日期: 2021年7月17日至2021年8月29日(逢星期六及日)
時間:上午10時至下午6時
地點:香港新界馬灣珀欣路33號
查詢電話:3411 8888
網站: https://bit.ly/3yXIeSO
入場費: 凡進入挪亞方舟人士需繳付入場費,成人HK$198,小童及長者(特惠門票)HK$158,活動期間設有買2送1門票優惠。

特別鳴謝 #Mama応援団:貓町媽媽 親子 玩樂扮靚日誌