【牙膏成份你要知】小朋友幾大要開始學刷牙?揀無防腐劑牙膏更安心!

【牙膏成份你要知】小朋友幾大要開始學刷牙?揀無防腐劑牙膏更安心!


「刷刷刷,你又刷刷刷!愛護牙齒早晚刷!」歌仔大家都識唱啦~相信各位爸爸媽媽應該都好關心小朋友嘅牙齒健康,擔心佢哋細細個就蛀牙,但小朋友幾大開始學刷牙好呢?

一般情況下,小朋友去到2歲半左右就有20粒牙仔左右,呢個時候各位爸爸媽媽就可以著手教小朋友刷牙啦!

由於小朋友手部小肌肉仲係發育中,所以能未完全掌握到刷牙技巧。為確保小朋友牙齒乾淨,家長可以每晚幫小朋友補刷牙一次。家長可以企喺小朋友後側,用一隻手輕托下巴,令小朋友頭部稍微向上,會更方便幫佢哋刷牙。

如果小朋友已經學識吐水,就可以用含氟化物嘅兒童牙膏,更有效地防蛀牙。注意2-6歲嘅小朋友使用好似綠豆大細嘅份量就足夠啦!初步嘅時候,記得用啲刷頭細啲嘅牙刷,大約係兩毫子硬幣直徑嘅size就可以。俾小朋友試用自己手揸牙刷刷牙,由細養成早晚刷牙嘅習慣。

年紀細嘅小朋友可能未可以控制自如,容易發生誤吞情況。建議一開始揀含氟量較低嘅牙膏,減少風險。買牙膏之前,記得留意一下成份。唔少牙膏都會添加防腐劑,台灣嘅消費者文教基金會(消基會) 曾經抽驗市面上30款牙膏,結果發現高達4成含有防腐劑!

防腐劑有好多種, 有研究報告指出其中一隻叫丙酸鈣(Calcium Propionate, E282)嘅防腐劑或會導致小朋友出現煩躁不安、注意力唔集中同睡眠障礙等等情況!台灣消基會檢驗長都表示,如果長期攝入防腐劑,好有可能傷害到肝腎。

所以各位爸爸媽媽記得選用較少人工添加或者化學成份嘅牙膏,對小朋友健康都好啲!

黑人Jolly Junior牙膏,成份不含防腐劑,所使用嘅原料全部都係食品級,小朋友日日用都可以更安心!選用咗低氟配方,安全之餘,又可以有效防止蛀牙!

包裝上面仲有超可愛鬆弛熊,仲有香草牛奶味、士多啤梨味、同埋清香檸檬揀,正中小朋友心意,令佢哋愛上刷牙!守護小朋友嘅燦爛笑容!

黑人Jolly Junior牙膏
黑人Jolly Junior兒童牙刷

資料來源:
– 衛生署
– 《Journal of Paediatric Child Health》2003
– 《麵包防腐劑可致孩子注意力不集中 4款不含防腐劑的袋裝方包》(https://bit.ly/3im0ZY7
– 《消基會檢測:30件市售牙膏有4成驗出防腐劑》ETtoday新聞雲 (https://bit.ly/39Z0wYU