【Mama心聲】媽媽要有好勝心!能做的絕不假手於人—靚媽

【Mama心聲】媽媽要有好勝心!能做的絕不假手於人—靚媽


半年前既靚媽係唔識煮飯既,極其量只係炒蛋、煮麵、煲水、還有少量簡單蒸餸。

懷孕既時候,靚媽好怕自己一向偏瘦既體質會影響靚B,所以自懷孕開始研究飲食營養,上網睇書參考各食物營養對身體既作用,注意每天飲食,自製餐單。多得靚婆婆同靚麻麻幫忙,懷孕時自製既飲食餐單可以實行得到。(這裡看:靚媽孕期飲食秘訣

不過靚媽唔希望靚B長大後,飲食會假手於任何人,或者每天只是吃蒸魚、蒸肉餅、排骨、炒菜。靚媽希望她自小懂得珍惜食物、享受食物、欣賞食物。

7

所以,懷孕時既靚媽已經決定產後一定要學懂下廚。靚媽從簡單既蒸煮、切菜切肉等基本功自學。不知不覺用上半年時間,未能成為大廚 ,但起碼知道煮食是怎樣的一回事,最少靚媽現在已成為一位煲粥達人。

以往,靚媽聽很多同輩祈盼嫁個有錢人,日日shopping high tea,什麼也不用做就等於幸福。靚媽也曾相信這觀念,對煮食特別抗拒,認為煮食這功夫留給工人做好了。

不過,當媽後,若要把日常沖涼換片煮粥等照顧靚B工作全交給工人去做,我並不願意。我最期盼的不是坐著等待工人姐姐的製成品然後餵靚B食。而是每天在超市為靚B挑選食材,上網參考食譜和食物的營養價值。現在,研究烹調方法成為我每天的動力。

8

靚媽最期盼的是將精心挑選的食材煮好,放在碟子上,看到靚B心急的踢著腳等待的樣子,看到她享受每一口的滋味,吃飽後坐在椅子上露出滿足笑容的一刻,心都融化了。

如果你說,幸福是坐著、等著,享受成果;那我會更享受親力親為那一種滿足感,或許有時會把預備好了的食材煮焦了;或許靚B不欣賞準備了一個小時的粥仔。但的確,經過失敗,成功才顯得矜貴。可能是那一顆好勝心,靚媽不甘假手於人。靚B現階段只吃粥仔,但可以看得出是她一定是吃貨,我期待跟靚B透過食物建立親密的親子關係,吃飯用餐是一種享受的過程。

5
4
32

雖然靚媽仍是煮食初哥,但能煮得一味入得口的菜式已是一個好開始。

別人既說話,可以成為一份鼓勵,但同時亦可能是一個障礙。若只一味相信那些“好命”既原則,那只會一直活在別人既經驗之下,錯失很多體驗快樂既機會!

1

==================
beautyma作者:靚媽湊B記

一位全職靚媽,對育兒有自己的個人看法,不隨波逐流,不約定俗成,深信媽媽的眼界與堅持是成就每一個快樂寶寶的重要元素。