【阿媽唔易做!】頻密眨眼?小小年紀都會有壓力問題!

【阿媽唔易做!】頻密眨眼?小小年紀都會有壓力問題!


媽媽唔易做😢

#悠媽有感 #壓力爆煲
#疫情下呻一呻

停課已3個月,悠人生中幼稚園最後一個學期可以說是泡湯了😭,還有個多月就抽獎,我的寶貝女資質平庸,加上無學返,應該識的又唔識,真難搞,我地呢d雙職家長那來咁多美國時間做埋老師果份,但不做不做還是死死地氣做😤,我乜都唔做=佢乜都唔識,如果唔好彩要叩門到時真係坐響度啦😕

本來已冇乜EQ的我,撞埋蠢蠢地教極都唔識的佢,簡直是無名火起😡,三句唔埋兩句就鬧,鬧到佢驚😥,然後有一日發現小姐眼睛極不自然地大力眨,而且次數好密,睇醫生🩺check過冇問題,但就係控制唔到唔眨,佢本人並不自覺,情況持續了個多星期,找視光師驗眼也一切正常,話唔擔心就假,擔心又冇用,唔知點算好😭😭

最後左check右check,相信是壓力令佢出現小動作,原來響我教功課時已令佢有壓力,小朋友年紀小唔識講,心理壓力就透過細微動作舒緩,當我發現了問題所在,就一改以往態度,立即實行懷柔政策,並帶佢出街玩兩天,果然大力眨眼情況沒有了,做功課時還進步不少,看來以後要持續訓練我EQ才是上策😒

唉…….我想大叫!!
而家做老母真係好難呀🤯

==================================

購物狂媽媽, 育有一女一仔 – 悠姐及樂少, 希望小朋友能成為快樂兒童, 樂趣無窮! 抽絲剝繭為仔女搵至好玩, 至抵買, 至好食的各種好東西就是悠媽的最大樂趣。

FB:樂。悠。媽咪