【幼稚園面試預備!】免費下載!水果認知教材

【幼稚園面試預備!】免費下載!水果認知教材


自從樂悠媽不專業地分享咗幼稚園面試小貼士後,多咗媽咪pm我吹下水交流下教BB的方法,又有朋友仔同我講話覺得教B認顏色好難,今次就等老娘再次不專業地分享下本人係點教樂少的。

其實就咁教B認顏色當然難,但透過小遊戲就會相對容易了,通常我會以日常生活接觸到的東西去教導,例如樂少最愛吃的水果,透過印有水果圖案的圖卡去教BB常見旳水果種類,因為主要係想教BB認識顏色,所以首階段可以先以容易辨認顏色的水果開始:

紅色:蘋果/ 士多啤梨/ 提子/ 水蜜桃
黃色: 香蕉/ 菠蘿
綠色: 西瓜/番石榴/ 奇異果
橙色: 橙

教法:
先以圖卡教BB水果的特徵,例如:香蕉係黃色, BB最鐘食的, 要MEET皮後才食得啊。認識了同顏色的水果後,再以遊戲方式加深BB的印象: 試試拿出BB最愛旳公仔,然後叫BB在遊戲卡中找出水果給公仔吃: 先將碟圖卡放在枱上,再跟BB說: BB, 公仔咪想食香蕉呀, 你搵出嚟比佢食丫! 媽咪亦可與BB一起進餐,叫BB拎不同類型的水果圖卡給你吃就可以。

當然: 日常生活中去超市見到真水果也不妨給BB用手接觸一下認知真實水果質感啊!!

以角色扮演遊戲加深BB對顏色及水果的印象,這樣子,教學會變得有趣得多,容易令BB印象深刻一點,而且也是一個不錯的親子遊戲呢。

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
關於以上小遊戲其實我有DIY水果教材(一套包括水果圖卡 + 碟圖卡) 分享
下載連結:http://bit.ly/2VbGAwi
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

媽媽需要加工:以硬卡紙加厚print出來的圖卡就可以了😄 我新做的pdf版本圖卡size更大更適合bb睇啊!

樂悠媽語錄:機會是留給有準備的人!

==================================

購物狂媽媽, 育有一女一仔 – 悠姐及樂少, 希望小朋友能成為快樂兒童, 樂趣無窮! 抽絲剝繭為仔女搵至好玩, 至抵買, 至好食的各種好東西就是悠媽的最大樂趣。

FB:樂。悠。媽咪