【親子手作教室】小熊面具+手指長頸鹿

【親子手作教室】小熊面具+手指長頸鹿


👦🏻Aidan PN班的老師為停課的學生準備了不同的手作圖工,入好一份份的材料,俾家長拎番屋企同小朋友一齊創作,真係好用心!

今個星期的題目好有趣,安妮媽媽想和大家分享下,兩款手工都好簡單,兩歲以上都識做,等你地都可以和小朋友一齊整。

⭐️媽媽們可以按小朋友的喜好創作不同的動物造型呀!

~~~~~~~~~~~~~~~~
【 🎨 小熊面具 】

⚡️創作過程:
在紙碟上剪出兩個小圓形做眼睛。

把啡色色紙撕成紙碎,或者小朋友識用交剪,可以叫佢剪一粒粒。在紙碟上塗上白膠漿,把啡色色紙貼上。

之後再叫小朋友指出耳朵,鼻子,粉紅色臉珠的位置,請他們貼上。

✂️家長可以幫小朋友修剪一下色紙過長的地方,再係作品背後貼實飲管就完成了!

❤️可以讓小朋友在鏡子前觀察不同的面部表情,就會令小熊有不同的心情呢!

🎨材料:
色紙,半個紙碟,Marker,白膠漿,飲管

=========================

【 🎨 可愛的長頸鹿 】

⚡️創作過程:
在身體的位置剪出兩個手指位,再用Marker畫出一點點的長頸鹿圖案。

把臉部,耳朵和活動眼睛貼在適當的位置,之後再畫上長頸鹿的表情。

把頭和身體拼貼好就完成,小朋友就可以玩了!

🎨材料:
色紙,Marker,白膠漿,活動眼睛

===================  

*全職媽媽*孕媽媽*
是一位喜歡手作,購物,旅遊,食,買,玩的媽媽。
最有興趣為仔仔搵最好玩,最抵買,最好食的各種好東西,希望他能在充滿幸福快樂的環境下成長。

FB:安妮媽媽親子日記