【HolidayMama】古色古香公園推介!偽韓國!木制古典長廊x人工湖人工瀑布

【HolidayMama】古色古香公園推介!偽韓國!木制古典長廊x人工湖人工瀑布


2022.02.02 年初二

(X) 一個不回娘家的年初二(因為強檢完不久)
(X) 一個不去拜年的年初二
(X) 一個不想去人多室內地方的年初二
(X) 一個因幾天有雨不宜到郊外的年初二

被困一段日子,大家都已經好悶。當爸爸話要出街買餸,三位小朋友聽到 #出街 已叮一聲,即刻馬上落樓各自準備,細佬仔再遲一步就去咗撞玻璃(門)。

不過咁樣帶3個去街市,又到媽媽我唔放心啦,畢竟市場人比較多,亦唔可以放任佢地跑。思前想後,最後決定爸爸繼續去買餸,媽媽我就帶隊去市場隔離個公園盡情跑一跑,放一放滿到爆的電,順便影下相滿足下媽媽(真係順便~哈)。

出自姐姐手的寫真:

介紹返先,北區公園位於粉嶺和上水之間,北起掃管埔村,沿鐵路及天平邨向南伸展至粉嶺圍,總面積達8.605公頃。公園於一九九零年啟用,整個公園包括兩個主要部分: 第一期(靜態設施)及第二期(動態設施)。

公園唔大,宜家亦唔叫多嘢玩 (遊樂設施暫時無得玩),但古式古鄉,加上近期節日的燈飾,好適合各位 #中式寶寶 去影下 #寫真集。特別木制古典長廊,好有 #韓國 feel呀!當自己去咗旅行咁!

公園採用清代揚州式亭台樓閣的園景建築設計,中央部分是一個風景如畫的人工湖及人工瀑布。建築物特色有「一軒、三亭、一廊」,分別座落公園的園林地帶、人工湖及人工瀑布。

「一軒」是指「蔚秀軒」,「三亭」則指「宜雨亭」、「涵碧亭」及「聽瀑亭」

「一廊」則是人工湖旁一條迂迴曲折的有蓋長廊

人工湖的東北面是露天劇場,可供舉行音樂會或戲劇節目,舞台前的半圓形梯級看台,可容納四百名觀眾。露天劇場北面為台階花園。

在人工瀑布的旁邊,更設有「自然保育園地」,為雀鳥提供自然的棲息環境,市民可在此觀賞不同種類的雀鳥。

在公園奪命狂奔的細佬仔,會要2個家姐拖都唔要我,慢慢開始脫離媽寶行列。

雖然短短一個鐘就要打道回府,但有得放電的感覺真係好好,希望快啲可以再周圍去啦!
🥲
地址 : 新界上水馬會道北區公園

交通 :https://www.lcsd.gov.hk/tc/parks/ndp/t.html

開放時間: 第二期場地每日二十四小時開放,公園其餘地方則每日早上六時至晚上十一時開放。

====================

很夢幻地成為了三個小朋友👧🏻👧🏻👶🏻的媽媽,橫跨新生、幼稚園及小學的領域。 ❤️ 忙碌中試著學懂偷閒 🧡 沉悶中試著尋找樂趣 💛 平淡中試著不一樣

FB:浠姐、小肥滺與金仔