【有idea有希望!】7個DIY聖誕倒數日曆合集

【有idea有希望!】7個DIY聖誕倒數日曆合集


仲有22日就到聖誕,係時候整返個Advent Calendar,一齊倒數迎接啦!唔想好似雪姨咁邊拆禮物邊崩潰?咁就不如自己整返一個啦~無論係造型定係禮物都可以自己決定!俾小朋友可以每日收到一個驚喜!

小編都特別幫大家收集到7款由港媽製作嘅DIY聖誕倒數日曆。不妨參考一下,整返一個俾小朋友啦~

1.聖誕花圈倒數月曆

一講到聖誕裝飾又點少得聖誕花圈?將2個好有聖誕feel嘅元素放埋一齊,真係會令到小朋友更期待呢個特別日子嘅來臨啊!簡簡單單嚟一個8日倒數,儀式感滿滿!

⭐向右拉,有製作教學!

2. 雪人的薑餅屋倒數月曆

有無媽媽覺得白色聖誕節特別浪漫?雖然香港唔會落雪,但係整返個白色小屋放喺屋企都夠晒氣氛!只需要紙皮+廁紙筒再加上裝飾就可以完成~大家都可以試吓整㗎!

3. 聖誕村倒數日曆

將北極成條聖誕村搬入屋?只係用牛奶盒就可以完成!每間屋仔都有自己嘅特色,真係好精緻可愛啊!

4. 聖誕樹倒數月曆

喺香港,大多數人屋企都唔太大,未必可以放到一棵聖誕樹。呢個將聖誕樹mix埋倒數月曆嘅手作,一次過大家2個願望,真係啱晒啦!

⭐向右拉,有製作過程!

5. 五光十色冬季村落倒數月曆

聖誕節又點止紅色、綠色、白色?佢都可以係七彩顏色㗎!加上LED燈之後,夜晚睇真係太靚啦~

6. 紙杯聖誕樹倒數月曆

聖誕樹都唔只一個樣!只要發揮創意,都可以有一個又潮又靚嘅聖誕樹~仲可以廢物再利用,用一啲環保材料製作而成!最重點係,倒數完都可以繼續掛喺屋企當聖誕裝飾,真係非常唔錯!

7.禮物盒倒數月曆

講到禮物,最好玩始終都係拆禮物嗰瞬間~可以一眼望到咁多個禮物盒,小朋友一定每日都好期待啊!

唔知大家最鍾意邊一款呢?你哋又有無自製咗倒數月曆?歡迎DM我哋,同我哋分享你嘅作品!

內容授權:chloejasperplay & littlecitytales & play_with_abby & learning_in_d & momnotsleep & happyrainboots